صفحہ اول ..... خصوصی رپورٹ

Fri, 15 Aug 2008 21:16:00

Save it at: digg it

| Yahoo

| Google

| Slashdot

| del.icio.us

Technorati

سڈنی میں محفل ذکر اہلبیت

ڈاکٹر نگہت نسیم۔سڈنی

انٹرنیٹ کی دنیا کے معروف مقامی آسٹریلوی اخبار ‘‘صدائے وطن ‘‘ کے مدیر سید ظفر حسین کے بھائی سید جاوید حیسن اور انکی اہلیہ صبا

جاوید حسین کی جانب سے پندرہ اگست جمعے کی شب حسب سابق سڈنی میں روحانی اور متبرک‘‘ محفلِ ذکرِ اہلبیت‘‘ منعقد ہوئی جس میں مختلف مسالک کے خواتین و حضرات نے بڑی تعداد میں شرکت کی اور محمد وآل محمد کے حضور قصائد کا نذرانہ پیش کیا۔

اس روحانی محفل میں عباس علوی، اسد علی، شجاعت شاہ، سید علی شاہ، سید محمد

مہدی، مولانا ریحان،ڈاکٹر شبیر حیدر، مولانا سبطین حسنی اور لندن سے تشریف لائے شاعر آلَ عبا، معروف براڈکاسٹر،محقق،ادیب،شاعر اور مرثیہ نگار صفدر ھمدانی نے اپنا کلام سنایا۔

محفل کی نظامت جناب محمد علی نے کی اور اسکا آغاز سید محمد مہدی نے تلاوت کلام پاک سے کیا جسکے بعد سید زوار حسین نے حدیثِ کساء پڑھی اور سید علی شاہ نے دعائے توسل کی تلاوت کی جس کے بعد عباس علوی، اسد علی،

شجاعت شاہ، مولانا ریحان،ڈاکٹر شبیر حیدر، مولانا سبطین حسنی اور لندن سے تشریف لائے شاعر آلِ عبا اور مرثیہ نگار صفدر ھمدانی نے اپنا کلام سنایا۔ محفل درود و سلام اور نعرہ تکبیر و نعرہ حیدری سے گونجتی رہی۔

جناب ڈاکٹر شبیر حیدر کو انکے ان اشعار پر حاضرین نے خوب داد دی

آلِ اطہارِ محمد سے یہ سیرت ہے ملی
جو بھی حالات ہوں اسلوبِ شرافت کرنا
قبر کا سوچ کے خوش ہوتا ہوں تنہائی میں
جب خیال آتا ہے مولا کی زیارت کرنا

معروف شاعر اور خطیب مولانا سبطین حسنی کو انکے کلام پر حاضرین نے خوب داد دی۔ انکے کلام کا ایک نمونہ۔

کچھ کو پروانہ ء شاہی نے ولی لکھا ہے
کچھ کو بندوں کی گواہی نے ولی لکھا ہے
ہم فقط انکو زمانے میں ولی مانتے ہیں
جن کو آیاتِ الہی نے ولی لکھا ہے

چاند چہروں کو دیکھتے رہنا
ہر فقیرِ نظر کی عادت ہے
اس کو نسبت ہے روئے حیدر سے
چاند کو دیکھنا عبادت ہے

مولانا سبطین حسنی کے بعد لندن سے تشریف لائے معروف شاعر اہلیبیت صفدر ھمدانی نے مولائے کائنات اور حجتِ آخر امام مہدی علیہ السلام کے حضور قصائد کا نزرانہ پیش کیا۔

فشار قبر تو منزل مرے شباب کی ہے
میں مطمئن ہوں مجھے فکر کب عذاب کی ہے

رہوں گا قبر میں تا روزِ حشر میں محفوظ
زمیں کے سینے میں خوشبو ابوتراب کی ہے۔

کربلا سے عشق کا معیار پیدا کیجئے
اپنے اندر جرآتِ انکار پیدا کیجئے
اک محبت ہی شفاعت کی ضمانت تو نہیں
ذات میں شبیر کا کردار پیدا کیجئے

محفل مقاصدہ کے بعد بھارت کے مولانا ریحان نے دعا کروائی جس کے بعدحاضرین کے لیئے پر تکلف عشایئے کا اہتمام کیا گیا تھا۔

یہ خبر، مضمون یا کالم درج ذیل لنکس سے اپنی ڈائری میں محفوظ کریں

digg it

| Yahoo

| Google

| Slashdot

| del.icio.us

Technorati

online.urdu.newspaper.pakistan.bbc.jang..poetry.sms.joke.shairi.girl.airline.cricket.woman.embassy.lahore.music.fashion.wedding.india