ابھی چند روز قبل یہ خبر پڑھی کہ ایک اطالوی ماہر نے دعوی کیا ہے کہ انہوں نے دو خواتین کا کھوج لگا لیا ہے جن کا نسب براہ راست فلورنس کی اس خاتون سے ملتا ہے جس کی مسکراہٹ سے متاثر ہو کر مشہور مصور لیونارڈو ڈا ونچی نے اپنی شہرہ آفاق مصوری ’مونا لیزا‘ بنائی تھی کہ جسی مسکراہٹ ایک مثال بن چکی ہے۔ یہ دونوں سگی بہنیں نتالیا اور ارینا پرنس گیرولامو کی بیٹیاں ہیں اور انکا اٹلی کے قدیم خاندانوں میں سے ایک ’سٹروزی‘ نامی خاندان سے ہے۔ خود ان دونوں بہنوں کا کہنا ہے کہ ہمارے خاندان اور مونا لیزا کے درمیان تعلق موجود ہے۔
یہ خبر اپنی جگہ لیکن میں یہ سوچ رہا ہوں کہ ایک طرف یہ عالم کے مونالیزا کی مسکراہٹ کا نسب تلاش کیا جا رہا ہے اور ایک طرف پاکستان جیسے ممالک میں یہ صورت کہ سینکڑوں لاپتہ اور گم شدہ افراد کے بارے میں کچھ علم نہیں۔عدالت پوچھتی ہے اور حکومت بتاتی نہیں۔ ایسے میں گم شدہ اور لاپتہ افراد کے خاندان والوں کے اب رو رو کر جسیے آنسو بھی خشک ہو گئے ہیں۔
اگر کسی کا قیامت اور مکافات عمل پر ایمان ہے تو اس صورت حال کی وضاحت تو کرے۔