سوچتا ہوں کہ وردی اور بے دردی میں آخر کیا رشتہ ہے کہ وردی والا بیدردی کو بھی اپنی ذتا کا حصہ بنا لیتا ہے۔کچھ منظوم باتیں کھال پر چڑھی وردی کی
دیدے تھے جان مانگے سے تو انکی آل ہے
وردی اتار دوں یہ مجھ سے سوال ہے؟
قبضہ کیا جو ملک پر کس زور پر ہوا!
آتا نہیں نظر انہیں ، حد ہے کمال ہے
وردی اتاردوں میں وردی تو کھال ہے
اس کے بغیر ملک میں رہنا محال ہے
اس کے سوا نظام سب رو بہ زوال ہے
ساڈا تو اقتدار ہی وردی کے نا ل ہے
یہ ہی ہمیں دلاتی ہے امداد کی رقم
جس کے طفیل ملک ہوا ما لا مال ہے
وردی اتاردوں میں وردی تو کھال ہے
اس کے بغیر ملک میں رہنا محال ہے
سر جو اٹھا کے چل سکے کس کی مجال ہے
بے رعب بھی کسی نے نگلا کیا بال ہے
کھاتے نہیں کیک وہ ناشکرے لوگ ہیں
کرتے شکا یتیں ہیں مہنگی جو دال ہے
وردی اتاردوں میں وردی تو کھال ہے
اس کے بغیر ملک میں رہنا محال ہے
اولاد ہو قلیل تو آسان،دیکھ بھال ہے
پیدا کریں ہیں فوج ،جو وجہِ وبال ہے
مہنگائی گر نہیں ہو تو سوچے ہے قوم شر!
اس میںہی بہتری ہے رہتی نڈھال ہے
وردی اتاردوں میں وردی تو کھال ہے
اس کے بغیر ملک میں رہنا محال ہے
جواس کواتار دے وہ رہے پر ملال ہے
اس کی بقا میں خیر ، جو پہنے نہال ہے
ہر شخص جانتا ہے کہ وردی چبھے ہے کیوں !
میں نہ سمجھ سکوں گا یہ ان کا خیال ہے
وردی اتاردوں میں وردی تو کھال ہے
اس کے بغیر ملک میں رہنا محال ہے
راضی خدا نہیں ہے یوں قحط الرجال ہے
جیسے چلن ہیں قوم کے ویسا مآل ہے
کہتے رہو شمس یو نہیں تم لپیٹ کر
لپٹی کو ئی بھی شہ ہو ، پر کشمیری شال ہے
تاریخ میں نہیں یہ پہلی مثال ہے
ظالم حکمراں، قہرِ خدا ذوالجلال ہے