عمران چوہدری یوں تو عرصے سے القمر آن لائن کے بلجیم کے لیئے بیورو چیف کے طور پر خدمات سر انجام دے رہے ہیں لیکن ایک خاموش بیورو چیف تھے جو اب جاگ گئے ہیں اور آج پہلا بلاگ لکھ رہے ہیں۔ انہیں اس محفل میں اس یقین سے خوش آمدید کہتے ہیں کہ وہ اس لکھنے کے سلسلے کو جاری رکھیں گے(ادارہ القمر آن لائن)
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کیا مصیبت ہے مشرف بیچارے کے لئے بھی، لال مسجد کا مسئلہ حل نہیں ہو رہا تھا تو تب بھی اس کو ہی باتیں سنا ئی جاتی تھیں، کہ حکومت کا قصور ہے سب یہ دیگر معاملات سے توجہ ہٹانے کے لئے کیا جا رھا ھے اور اب اگر اس نے اپنی سوچ اور ابتکار ِعمل کے مطابق اس مسلئے کو حل کر ھی لیا ہے گو کہ اس میں کافی بے گناہ لوگ بھی مارے گئے ہیں مگر کیا یہ لوگ واقعی بے گناہ تھے؟ مشرف دشمنی ایک طرف لیکن حقیقت کا ہمیشہ ساتھ دینا چاھئے، کیا غازی برادران کے اقدامات ٹھیک تھے؟ کیا ان کی اس ساری کاروائی کو جہاد کہا جا سکتا ہے؟ اور کیا مشرف اب یزید ہو گیا اور رشید غازی نعوذ باللہ امام حسین ۔سبحان اللہ کیا تجزیہ ہو رھا ہے ہر طرف، خدا را ذاتی پسند نا پسند کو اجتماع پر لاگو مت کریں اور حقائق کو اپنے پاوں تلے مت روندیں۔