بابا بُلھے شاہ نے تصوف کی کِسی خاص لہر میں کِسی خاص پیرائے میں اپنے مُرشد کو منانے کے لئے یہ کہا تھا اور گُھنگرو باندھ کے ناچے بھی تھے۔ اُسی قِسم کا عمل ہماری سندھ اسمبلی کی ڈپٹی سپیکر راحیلہ ٹوانہ نے بھی ہندوستان کی سرکار کو منانے کے لیئے اپنی خاص عشوا طرازیوں سے اسمبلی کے اندر کیا ہے، اب تو ہندوستان کو مان جانا چاہئے کہ ہماری مُنتخب کردہ خاتون ڈپٹی سپیکر نے سرکاری طور پر ہندی گانوں کی طرز پر سرکاری رقص پیش کر دیا ہے جیسے بادشاہوں کو یا دیوتاؤں کو منانے کے لیئے اُنکے دربار میں کیا جاتا ہے، جانے یہ کیا منوانا چاہتے ہیں۔
http://www.halchal.net/halchal/index.php?page=videos&section=view&vid_id=100005

ہم ابھی تک چاند کی اور چاندنی کی زد میں ہیں
زُلف کی رُخسار کی بیکار سی قدغن میں ہیں
وہ تو ساری کہکشاں اپنے جلَو میں لے چُکے
اور ہم تاروں بھری راتوں کے اِس مدفن میں ہیں

بات یہ ہے کہ حالات کُچھ اِتنے سنجیدہ ہیں کہ کم گوئی یاروں کا خاصہ ہو رہا ہے اِس لیئے کِسی ہلکے پُھلکے موضوع پر بحث کر لی جائے اگر طبع نازُک پر گِراں نہ گُذرے تو
اب بحث کرنے کے لئے تو یہ بھی کافی ہے کہ تعطیل میں ایک بار ‘ت‘ اور ایک بار ‘ط‘ کیوں اِستعمال کیا گیا ہے اِسی طرح کالج دور کی بات ہے کہ کیمسٹری لیب میں چٹھہ صاحب ہُوا کرتے تھے، ایک دِن کِسی نے کالج فون کیااور کہا کہ چیمسٹری کے چٹھہ سے بات کرا دیں تو آپریٹر نے کہا کہ جناب انگریزی میں سی اور ایچ اِکٹھا آ جائیں تو ‘کاف‘ کی آواز نِکلتی ہے، تو کالر نے فورا“ کہا جناب ٹھیک ہے آپ ایسا کریں کہ کیمسٹری کے کٹھہ صاحب کو بُلا دیں۔ ویسے ہے تو یہ ایک لطیفہ نُما واقعہ لیکن ایک دعوتَ سُخن بھی ہے یارانِ نُکتہ داں کے لئے، کہ زُبانوں میں اِس طرح کیوں کیا جاتا ہے، اب یہ اہلَ زُبان زیادہ بہتر بتا سکیں گے لیکن ہم جیسے بے زُبانوں کے لئے بھی کوئی پابندی نہیں ہونی چاہئے۔ اِس لئے سب بتائیں کہ ایسا کیوں ہے

جہاں عورتوںسے تعلیم کے حصول کے وسایل چھین لیے جائیں اُن کو معاشرے میں تیسرے درجے کا شہری رکھنے کیلئے جبر کی اِنتہا کر دی جائے، وہاں اسلام نہیں بلکہ قبلِ اِسلام کے دورِ جہالت کا نظارا ہوتا ہے، اور کہاں یہ طالبانِ اِسلام۔ کِسی بھی قوم کے خِلاف سب سے بڑی سازش ہوتی ہے کہ اُس قوم کی خواتین کو تعلیم سے دور کر دیا جائے، تاکہ آیندہ نسل کو تعلیم یافتہ ماں نصیب نہ ہو سکیں، اللہ اکبر کتنا ذہین ہے پاکِستان اور اِسلام کا دُشمن۔۔۔

نظریات کو کبھی قتل نہیں کیا جا سکتا، ہاں البتہ نظریات رکھنے والے افراد پر موت ضرور طاری کی جا سکتی ہے۔ اور جیسا کہ ہوتا آیا ہے، بوسنیا کے مُسلمان لاکھوں کی تعداد بے گھر و بے آسرا ہو گئے اور »۔۔۔ مکمل تحریر پڑھئے۔

آج سے دو سال پہلے بیلجیم میں ڈاکٹرز نے اپنی کنسلٹینسی فیس 21 یورو سے بڑہا کر 26 یورو کر دی تھی تو سابق وزیرِاعظم نے اِس کی اِطلاع مِلتے ہی فورا” پریس کانفرنس کی اور ڈاکٹرز کو سختی سے ہدایت کی کہ فیس نہ بڑہائی جائے کیونکہ اُس سال بجٹ میں ملازمین کی تنخواہوں میں اضافہ نہیں کیا گیا تھا۔ اور »۔۔۔ مکمل تحریر پڑھئے۔

چند دِن پہلےکی بات ہے نِگہت صاحبہ نے لِکھا تھا کہ حضرت ہمدانی صاحب کانام’ بابا’ پہلے اِنہوں اور محترم نصر ملک صاحب نے رکھا تھا اور بعد میں ہارون عباس صاحب شامل ہوئے جبکہ میرا »۔۔۔ مکمل تحریر پڑھئے۔

جب بھی دو اقوام یا دو نظریات ایک دوسرےسے بر سرِپیکار ہو جاتے ہیں، لاشیں بِکھرنا شِروع ہو جاتی ہیں اور خون بہنا شِروع ہو جاتا ہے تو پِھر کوئی نہ کوئی مُداخلت کار آہی جاتا ہے، »۔۔۔ مکمل تحریر پڑھئے۔

ایسٹ لندن کا رہنے والا ‘لوانگا’ ایک ڈکیت بچوں کے گینگ کا سربراہ ہے، جن میں 14 سے 16 سال کے بچے شامل ہیں، انہوں نے کیش وینز لوٹی ہیں اوراِس گینگ کے 6 ممبرز سکاٹ لینڈ یارڈ پولیس کے ہاتھوں گرفتار ہیں۔ »۔۔۔ مکمل تحریر پڑھئے۔

اللہُ اکبر، ہمارے مُلک کے چیف ایگزیکٹو جناب یوسف رضاگیلانی کا فرمان ہے کہ ہمارے مُلک میں دہشت گردی کا راج ہے، جبکہ ہم آج تک یہی سمجھ رہے تھے کہ ہمارے مُلک میں عوام کی حکومت آ گئی ہے، واہ، کمال تو اِن لوگوں نے کیا ہے جِنہوں نے ہمیں یہ نوید دی تھی کہ بس اب ڈِکٹیٹر شِپ کی سیاہ رات تمام ہو گئی ہے اور جمہوریت کا سورج نکل آیا ہے۔ کِتنا خرچ ہُوا اور کِتنے لوگ کِتنا عرصا حکومت کی تبدیلی کے لئے مصروف رہے، اب جبکہ ہم سوچ رہے تھے کہ عوام کی حکومت آگئی ہے اب ہمیں اِنصاف مِلے گا، ہر مزدور کو اُس کا حق مِلے گا امن کا دور دورہ ہوگا تو ہمارے چیف ایگزیکٹو نے خود کہ دیا کہ عوام نہیں دھشت گردوں کا راج ہے ، یہ سب برائے نام حُکمران اپنے نام و نمود کی بڑھوتری کیلئے کوشاں ہیں اور عوام جِنہوں نے اِن لوگوں کو اِس مقام پر بِٹھایا ہے پہلے سے بھی بد تر حالت میں ہے،تو ہم کیا سمجھیں، کیا ایک شخص کی حکومت بہتر ہے یا (بقول انکے)عوام کی