Home / شوبز / اکشے کمار کی نئی فلم ’کیساری‘ کی پہلی جھلک منظرعام پر آگئی

اکشے کمار کی نئی فلم ’کیساری‘ کی پہلی جھلک منظرعام پر آگئی

فلم ’کساری‘ 2019 میں ہولی کے موقع پر سینما گھروں کی زینت بنے گی۔فوٹو: فائل

فلم ’کساری‘ 2019 میں ہولی کے موقع پر سینما گھروں کی زینت بنے گی۔فوٹو: فائل

 ممبئی: بالی ووڈ کے ایکشن ہیرو اکشے کمار کی  نئی فلم ’کیساری‘ کی پہلی جھلک جاری کردی گئی۔

بالی ووڈ کے ایکشن ہیرو اکشے کمار کے ستارے اس وقت اپنے عروج  پر ہیں یہی وجہ ہے کہ وہ گزشتہ کئی سال سے سپر ہٹ فلمیں دے رہے ہیں جب کہ ان کی گزشتہ پانچ فلمیں مسلسل 100 کروڑ کے کلب میں داخل ہوچکی ہیں جن میں ’ایئر لفٹ‘، ’ہاؤس فل 3‘ ،’ٹوائلٹ ایک پریم کتھا‘، ’رستم‘ اور ’جولی ایل ایل بی ٹو‘ شامل ہیں۔

بالی ووڈ کھلاڑی کی اس سال بھی 3 فلمیں ریلیز ہوں گی جن میں پہلی فلم ’پیڈمین‘ ہے جو رواں ماہ ریلیز ہوگی جب کہ دیگر 2 فلموں میں رجنی کانت کی کامیاب فلم ربورٹ کا سیکوئل ’2.0‘ اور فلم ’گولڈ‘ شامل ہیں جب کہ ان کی نئی فلم ’کیساری‘ کی جھلک نے بھی ہلچل مچادی ہے۔

بھارتی میڈیا رپورٹس کے مطابق ایکشن ہیرو اکشے کمار نے سماجی رابطے کی ویب سائٹ ٹوئٹر پر انوراگ سنگھ کی ہدایت کاری میں بننے والی فلم ’کیساری ‘کی پہلی جھلک جاری کردی جس میں وہ سکھ کا کردار نبھاتے ہوئے دکھائی دیں گے جب کہ انہوں نے لکھا ہے کہ سال 2018 کے آغاز میں فلم ’کیساری ‘ کے موقع پر کوئی احساس نہیں سوائے بے انتہا خوشی ، فخر اور شکر کے کیوں کہ یہ میری بہت جنون اور لگن سے بنائی ہوئی  سب سے اہم فلم ہے۔

واضح رہے کہ فلم ’کیساری‘ کی کہانی سرگڑھی میں لڑی جانے والی جنگ کے گرد گھومتی ہے جس میں اکشے کمار کمانڈر حولدار ایشار سنگھ کا کردار ادا کر رہے ہیں جو اکشے کمار اور کرن جوہر ملکر پروڈیوس کریں گے جب کہ فلم 2019 میں ہولی کے موقع پر سینما گھروں کی زینت بنے گی۔

About محمد ہارون عباس قمر

محمد ہارون عباس، صحافی، براڈکاسٹراورسافٹ وئر انجینئرپاکستان کے مانچسٹر فیصل آباد میں پیدا ہوئے۔ابتدائی تعلیم فیصل آباداوربراڈکاسٹنگ کی تعلیم ہلورسم اکیڈمی ، ہالینڈسے حاصل کی۔ کمپیوٹر میں تعلیم اسلام آباد، پاکستان سے حاصل کرنے کے ساتھ ساتھ، ریڈیائی صحافت سے وابستہ رہے ہیں۔اس حوالے سے پاکستان کے مختلف ٹی وی چینلزکے ساتھ ساتھ ریڈیو ایران،ریڈیو پاکستان سے ان کی وابستگی رہی۔ تعلیم اور صحافتی سرگرمیوں کے سلسلے میں وہ پاکستان کے مختلف شہروں کے علاوہ ایران، سری لنکا، نیپال، وسطی ایشیائی ریاستوں‌کے علاوہ مشرقی یوروپ کے مختلف ممالک کا سفر کر چکے ہیں۔مختلف اخبارات میں سماجی، سیاسی اور تکنیکی امور پر ان کے مضامین شائع ہوتے رہتے ہیں۔علاوہ ازیں اردو زبان کو کمپیوٹزاڈ شکل میں ڈھالنے میں ان کا بہت بڑا کردار ہے۔ محمد ہارون عباس ممتاز این جی اوز سے وابستہ رہے ہیں۔ جن میں جنوبی ایشیائی ممالک کی تنظیم ساوتھ ایشین سنٹر اور پاکستان کی غیر سرکاری تنظیموں کے نمائندہ فورم پاکستان این جی اوز فیڈرشین شامل ہیں۔ علاوہ ازیں پاکستان مسلم لیگ کے مرکزی میڈیا ونگ اسلام آباداور پاکستان کے پارلیمنٹرینز کی تنظیم پارلیمنٹرین کمشن فار ہیومین رائٹس میں بھی تکنیکی امور کے نگران رہے ۔وہ پاکستان کے سب سے بڑے نیوز گروپ جنگ گروپ آف نیوزپیپرز، پاکستان کے اردو زبان کے فروغ کے لئے قائم کئے گئے ادارے مقتدرہ قومی زبان ، پاکستان کے سب سے بڑے صنعتی گروپ دیوان گروپ آف کمپنیز کو تکنیکی خدمات فراہم کرتے رہے ہیں۔ محمد ہارون عباس القمر آن لائن کے انتظامی اور تکنیکی امور کے نگران ہیں۔ اس کے ساتھ ساتھ انہیں انٹرنیٹ پر پاکستان کی تمام نیوز سائٹس کے پلیٹ فارم پاکستان سائبر نیوز ایسوسی ایشن کے پہلے صدر ہونے کا بھی اعزاز حاصل ہے

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے