Home / شوبز / بھارت میں سلمان خان کی جان کو خطرہ

بھارت میں سلمان خان کی جان کو خطرہ

،بالی ووڈ سلطان کی سیکیورٹی میں اضافہ کردیا گیاہے فوٹو:فائل

،بالی ووڈ سلطان کی سیکیورٹی میں اضافہ کردیا گیاہے فوٹو:فائل

 ممبئی: بھارتی ریاست راجستھان کے گینگسٹر نے بالی ووڈ کے سلطان سلمان خان کو قتل کی دھمکی دیتے ہوئے کہا کہ انہیں جودھپور میں قتل کردیا جائے گا۔

بالی ووڈ کے دبنگ اداکار سلمان خان آئے دن تنازعات کا شکار رہتے ہیں اور جیسے ہی کوئی مصیبت ان کے سر سے ٹلتی ہے تو وہ دوسرے مسئلے میں پھنس جاتے ہیں، اداکار کے ساتھ ایسا ہی کچھ کالے ہرن کے غیرقانونی شکار کیس میں ہوا جہاں عدالت نے تو انہیں رہا کردیا مگر وہ ایک اور مصیبت میں پھنس گئے۔

بھارتی میڈیا رپورٹس کے مطابق بالی ووڈ کے سلطان کچھ روز قبل کالے ہرن کےغیر قانونی شکار کیس کے سلسلے میں بھارتی ریاست راجستھان کے شہر جودھ پور کی عدالت میں پیش ہوئے تھے جس کے بعد انہیں وہاں کے مقامی گینگسٹر کی جانب سے دھمکی آمیز کال موصول ہوئی جس میں ان کا کہنا تھا کہ سلمان خان کو اسی شہر میں قتل کردیا جائے گا۔

رپورٹس کے مطابق گینگسٹر لارنس بشنوئی قتل، بھتہ خوری، کار چوری سمیت 20 سے زیادہ مقدمات میں پولیس کی تحویل میں ہے اور اس کی جانب سے دھمکی آمیز کال بھی وہی سے کی گئی جب کہ پولیس نے دھمکی آمیز کال کے بعد سلمان خان کی سیکیورٹی میں اضافہ کردیا ہے۔

واضح رہے سلمان خان کو دھمکی آمیز فون کرنے والے لارنس کا تعلق بشنوئی کمیونٹی سے ہے جس نے 1998 میں سلمان خان کی جانب سے کالے ہرن کے غیر قانونی شکار پر عدالت سے رجوع کیا تھا اور تب سے ہی یہ کمیونٹی بالی ووڈ سلطان کو ’ولن‘ سمجھتے ہیں۔

About محمد ہارون عباس قمر

محمد ہارون عباس، صحافی، براڈکاسٹراورسافٹ وئر انجینئرپاکستان کے مانچسٹر فیصل آباد میں پیدا ہوئے۔ابتدائی تعلیم فیصل آباداوربراڈکاسٹنگ کی تعلیم ہلورسم اکیڈمی ، ہالینڈسے حاصل کی۔ کمپیوٹر میں تعلیم اسلام آباد، پاکستان سے حاصل کرنے کے ساتھ ساتھ، ریڈیائی صحافت سے وابستہ رہے ہیں۔اس حوالے سے پاکستان کے مختلف ٹی وی چینلزکے ساتھ ساتھ ریڈیو ایران،ریڈیو پاکستان سے ان کی وابستگی رہی۔ تعلیم اور صحافتی سرگرمیوں کے سلسلے میں وہ پاکستان کے مختلف شہروں کے علاوہ ایران، سری لنکا، نیپال، وسطی ایشیائی ریاستوں‌کے علاوہ مشرقی یوروپ کے مختلف ممالک کا سفر کر چکے ہیں۔مختلف اخبارات میں سماجی، سیاسی اور تکنیکی امور پر ان کے مضامین شائع ہوتے رہتے ہیں۔علاوہ ازیں اردو زبان کو کمپیوٹزاڈ شکل میں ڈھالنے میں ان کا بہت بڑا کردار ہے۔ محمد ہارون عباس ممتاز این جی اوز سے وابستہ رہے ہیں۔ جن میں جنوبی ایشیائی ممالک کی تنظیم ساوتھ ایشین سنٹر اور پاکستان کی غیر سرکاری تنظیموں کے نمائندہ فورم پاکستان این جی اوز فیڈرشین شامل ہیں۔ علاوہ ازیں پاکستان مسلم لیگ کے مرکزی میڈیا ونگ اسلام آباداور پاکستان کے پارلیمنٹرینز کی تنظیم پارلیمنٹرین کمشن فار ہیومین رائٹس میں بھی تکنیکی امور کے نگران رہے ۔وہ پاکستان کے سب سے بڑے نیوز گروپ جنگ گروپ آف نیوزپیپرز، پاکستان کے اردو زبان کے فروغ کے لئے قائم کئے گئے ادارے مقتدرہ قومی زبان ، پاکستان کے سب سے بڑے صنعتی گروپ دیوان گروپ آف کمپنیز کو تکنیکی خدمات فراہم کرتے رہے ہیں۔ محمد ہارون عباس القمر آن لائن کے انتظامی اور تکنیکی امور کے نگران ہیں۔ اس کے ساتھ ساتھ انہیں انٹرنیٹ پر پاکستان کی تمام نیوز سائٹس کے پلیٹ فارم پاکستان سائبر نیوز ایسوسی ایشن کے پہلے صدر ہونے کا بھی اعزاز حاصل ہے

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے