Home / شوبز / اکشے کی فلم نے ریلیز سے پہلے انوکھا اعزاز اپنے نام کرلیا

اکشے کی فلم نے ریلیز سے پہلے انوکھا اعزاز اپنے نام کرلیا

اکشے کمار کی فلم ’پیڈ مین‘ 9 فروری کو سینما گھروں کی زینت بنے گی۔فوٹو: فائل

اکشے کمار کی فلم ’پیڈ مین‘ 9 فروری کو سینما گھروں کی زینت بنے گی۔فوٹو: فائل

 ممبئی: بالی ووڈ کے ایکشن ہیرو اکشے کمار کی نئی فلم’ پیڈمین‘ نے ریلیز سے پہلے انوکھا اعزاز اپنے نام کرلیا۔

بالی ووڈ میں خطروں کے کھلاڑی کے نام سے پہچانے جانے والے اکشے کمار ان دنوں ایکشن کے بجائے سماجی مسائل پر بننے والی فلموں میں کام کرنے کو ترجیح دے رہے ہیں یہی وجہ ہے کہ فلم ’ ٹوائلٹ ایک پریم کتھا‘ کی کامیابی کے بعد اب انہوں نے ایک اور سماجی موضوع پر بننے والی فلم ’پیڈمین‘ کرنے کا فیصلہ کیا جس نے ریلیز سے قبل ہی بالی ووڈ کی پہلی فلم ہونے کا اعزاز اپنے نام کرلیا۔

بھارتی میڈیا رپورٹس کے مطابق فلم ’پیڈ مین ‘ کی پروڈیوسر اور اکشے کمار کی اہلیہ ٹوئنکل کھنہ نے سماجی رابطے کی ویب سائٹ پر ایک ٹوئٹ میں اپنے شوہر کے ہمراہ تصویر پوسٹ کی اور ساتھ ہی فلم کی ریلیز سے متعلق خوشی کا اظہار کرتے ہوئے لکھا کہ ’میں نے اکشے کمار کو کہا تھا کہ میں انہیں مختلف جگہوں پر لیکر جاؤں گی خیر فلم ’پیڈمین ‘ نہ صرف دنیا بھر کے 50 ممالک میں ریلیز کی جارہی بلکہ یہ بالی ووڈ کی پہلی فلم بھی ہے جو روس سے آئیوری کاسٹ اور آئیوری کاسٹ سے لیکرعراق تک ایک ہی دن اور ایک ہی تاریخ میں ریلیز کی جائے گی۔

یہ خبر بھی پڑھیں: اکشے نے سنجے لیلا بھنسالی کی بات رکھ لی

واضح رہے آر بالکی کی ہدایت کاری میں بننے والی فلم ’پیڈمین‘ میں اکشے کے ساتھ سونم کپور اور رادھکا آپٹے مرکزی کردار ادا کر رہی ہیں جو کہ 9 فروری کو سینما گھروں کی زینت بنے گی۔

About محمد ہارون عباس قمر

محمد ہارون عباس، صحافی، براڈکاسٹراورسافٹ وئر انجینئرپاکستان کے مانچسٹر فیصل آباد میں پیدا ہوئے۔ابتدائی تعلیم فیصل آباداوربراڈکاسٹنگ کی تعلیم ہلورسم اکیڈمی ، ہالینڈسے حاصل کی۔ کمپیوٹر میں تعلیم اسلام آباد، پاکستان سے حاصل کرنے کے ساتھ ساتھ، ریڈیائی صحافت سے وابستہ رہے ہیں۔اس حوالے سے پاکستان کے مختلف ٹی وی چینلزکے ساتھ ساتھ ریڈیو ایران،ریڈیو پاکستان سے ان کی وابستگی رہی۔ تعلیم اور صحافتی سرگرمیوں کے سلسلے میں وہ پاکستان کے مختلف شہروں کے علاوہ ایران، سری لنکا، نیپال، وسطی ایشیائی ریاستوں‌کے علاوہ مشرقی یوروپ کے مختلف ممالک کا سفر کر چکے ہیں۔مختلف اخبارات میں سماجی، سیاسی اور تکنیکی امور پر ان کے مضامین شائع ہوتے رہتے ہیں۔علاوہ ازیں اردو زبان کو کمپیوٹزاڈ شکل میں ڈھالنے میں ان کا بہت بڑا کردار ہے۔ محمد ہارون عباس ممتاز این جی اوز سے وابستہ رہے ہیں۔ جن میں جنوبی ایشیائی ممالک کی تنظیم ساوتھ ایشین سنٹر اور پاکستان کی غیر سرکاری تنظیموں کے نمائندہ فورم پاکستان این جی اوز فیڈرشین شامل ہیں۔ علاوہ ازیں پاکستان مسلم لیگ کے مرکزی میڈیا ونگ اسلام آباداور پاکستان کے پارلیمنٹرینز کی تنظیم پارلیمنٹرین کمشن فار ہیومین رائٹس میں بھی تکنیکی امور کے نگران رہے ۔وہ پاکستان کے سب سے بڑے نیوز گروپ جنگ گروپ آف نیوزپیپرز، پاکستان کے اردو زبان کے فروغ کے لئے قائم کئے گئے ادارے مقتدرہ قومی زبان ، پاکستان کے سب سے بڑے صنعتی گروپ دیوان گروپ آف کمپنیز کو تکنیکی خدمات فراہم کرتے رہے ہیں۔ محمد ہارون عباس القمر آن لائن کے انتظامی اور تکنیکی امور کے نگران ہیں۔ اس کے ساتھ ساتھ انہیں انٹرنیٹ پر پاکستان کی تمام نیوز سائٹس کے پلیٹ فارم پاکستان سائبر نیوز ایسوسی ایشن کے پہلے صدر ہونے کا بھی اعزاز حاصل ہے

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے