دبئی( اسپورٹس ڈیسک) ٹی ٹین لیگ میں رواں برس مزید2 ٹیموں کا اضافہ کیا جائیگا۔ میچز اب شارجہ کے ساتھ دبئی میں بھی ہوں گے۔ پاکستانی اور بھارتی برادری کے اسکواڈ کو حصہ بنایا جارہا ہے۔ ٹی ٹین لیگ کا پہلا ایڈیشن گزشتہ دسمبر میں شارجہ میں کھیلا گیا تھا جس میں6ٹیمیں بنگال ٹائیگرز‘ کیرالا کنگز‘ مراٹھا عریبئنز‘ پختونز‘ پنجاب لیجنڈز اور ٹیم سری لنکا شامل تھی۔ ٹی ٹین کرکٹ لیگ کے چیئرمین شجیع الملک کا کہنا ہے کہ ایونٹ کا دورانیہ بھی8سے10 کیا جائیگا۔ نئی ٹیموں کے ناموں کا اعلان جلد ہی کردیا جائیگا۔