Home / شوبز / بالی ووڈ اداکار ودیوت جموال شوٹنگ کے دوران زخمی

بالی ووڈ اداکار ودیوت جموال شوٹنگ کے دوران زخمی

ودیوت جموال کی فلم ’جنگل ‘ اکتوبر 2019ء میں سنیما گھروں کی زینت بنے گی۔ فوٹو: فائل

ودیوت جموال کی فلم ’جنگل ‘ اکتوبر 2019ء میں سنیما گھروں کی زینت بنے گی۔ فوٹو: فائل

 ممبئی: بالی ووڈ کے ایکشن ہیرو ودیوت جموال شوٹنگ کے دوران خطرناک اسٹنٹ کرتے ہوئے زخمی ہو گئے۔

بالی ووڈ میں بہت سے ایکشن ہیرو شوٹنگ کے دوران ناخوشگوار حادثات سے بچنے کے لیے دوسرے شخص (باڈی ڈبل یا اسٹنٹ مین) کی خدمات بھی حاصل کرتے ہیں لیکن بہت ہی کم ہیرو ایسے ہیں جو اسٹنٹ خود کرنے کو ترجیح دیتے ہیں جن میں اکشے کمار کےعلاوہ اداکار ودیوت جموال کا نام سرفہرست ہے جنہیں بالی ووڈ کے نیو ایج ایکشن ہیرو کے نام سے بھی جانا جاتا ہے۔ خبر آئی ہے کہ ودیوت اپنی نئی فلم کی شوٹنگ کے دوران سر پھٹنے کی وجہ سے زخمی ہو گئے ہیں۔

بھارتی میڈیا رپورٹس کے مطابق کشمیر سے تعلق رکھنے والے بالی ووڈ کے ایکشن ہیرو ودیوت جموال فورس، کمانڈو اور بادشاہو جیسی فلموں میں اپنی بہترین اداکاری کے جوہر دکھاچکے ہیں وہ اپنی آنے والی فلم ’جنگل ‘ کی شوٹنگ کے دوران سر پھٹنے کی وجہ سے بُری طرح زخمی ہو گئے جنہیں فوری طبی امداد دی گئی جب کہ فلم کی شوٹنگ کو دو گھنٹے تک روک دیا گیا۔

ودیوت نے سماجی رابطے کی ویب سائٹ ٹویٹر پر مداحوں کو اپنی خیریت سے آگاہ کرتے ہوئے کہا کہ میں پہلے سے بہت بہتر ہوں اور جیسے ہی سر سے خون بہنا بند ہوا ہم نے شوٹنگ دوبارہ شروع کردی آپ سب کی محبتوں کا بہت بہت شکریہ۔

واضح رہے کہ ہالی ووڈ کے ڈائریکٹر چک رزیل کی ہدایت کاری میں بننے والی فلم ’جنگل‘ میں ودیوت جموال ہاتھی کے ٹرینر کا مرکزی کردار ادا کر رہے ہیں  جب کہ فلم اکتوبر 2019ء میں سنیما گھروں کی زینت بنے گی۔

#Exclusive: @mevidyutjammwal gets injured on the sets of his upcoming film #Junglee @jungleemovie @jungleepictures #vidyutjammwal #junglee #jungleepictures #exclusive #video #injury #stunts #bollywood #bollywoodstunts #bollywoodactor #instavideo #tagsforlike #tags4likes #zoomtv

A post shared by Zoom TV (@zoomtv) on Feb 8, 2018 at 10:25pm PST

About محمد ہارون عباس قمر

محمد ہارون عباس، صحافی، براڈکاسٹراورسافٹ وئر انجینئرپاکستان کے مانچسٹر فیصل آباد میں پیدا ہوئے۔ابتدائی تعلیم فیصل آباداوربراڈکاسٹنگ کی تعلیم ہلورسم اکیڈمی ، ہالینڈسے حاصل کی۔ کمپیوٹر میں تعلیم اسلام آباد، پاکستان سے حاصل کرنے کے ساتھ ساتھ، ریڈیائی صحافت سے وابستہ رہے ہیں۔اس حوالے سے پاکستان کے مختلف ٹی وی چینلزکے ساتھ ساتھ ریڈیو ایران،ریڈیو پاکستان سے ان کی وابستگی رہی۔ تعلیم اور صحافتی سرگرمیوں کے سلسلے میں وہ پاکستان کے مختلف شہروں کے علاوہ ایران، سری لنکا، نیپال، وسطی ایشیائی ریاستوں‌کے علاوہ مشرقی یوروپ کے مختلف ممالک کا سفر کر چکے ہیں۔مختلف اخبارات میں سماجی، سیاسی اور تکنیکی امور پر ان کے مضامین شائع ہوتے رہتے ہیں۔علاوہ ازیں اردو زبان کو کمپیوٹزاڈ شکل میں ڈھالنے میں ان کا بہت بڑا کردار ہے۔ محمد ہارون عباس ممتاز این جی اوز سے وابستہ رہے ہیں۔ جن میں جنوبی ایشیائی ممالک کی تنظیم ساوتھ ایشین سنٹر اور پاکستان کی غیر سرکاری تنظیموں کے نمائندہ فورم پاکستان این جی اوز فیڈرشین شامل ہیں۔ علاوہ ازیں پاکستان مسلم لیگ کے مرکزی میڈیا ونگ اسلام آباداور پاکستان کے پارلیمنٹرینز کی تنظیم پارلیمنٹرین کمشن فار ہیومین رائٹس میں بھی تکنیکی امور کے نگران رہے ۔وہ پاکستان کے سب سے بڑے نیوز گروپ جنگ گروپ آف نیوزپیپرز، پاکستان کے اردو زبان کے فروغ کے لئے قائم کئے گئے ادارے مقتدرہ قومی زبان ، پاکستان کے سب سے بڑے صنعتی گروپ دیوان گروپ آف کمپنیز کو تکنیکی خدمات فراہم کرتے رہے ہیں۔ محمد ہارون عباس القمر آن لائن کے انتظامی اور تکنیکی امور کے نگران ہیں۔ اس کے ساتھ ساتھ انہیں انٹرنیٹ پر پاکستان کی تمام نیوز سائٹس کے پلیٹ فارم پاکستان سائبر نیوز ایسوسی ایشن کے پہلے صدر ہونے کا بھی اعزاز حاصل ہے

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے