Home / اہم ترین / زرداری کیا کریگا فوجیوں کو سمجھ نہیں آرہی‘ شیخ رشید

زرداری کیا کریگا فوجیوں کو سمجھ نہیں آرہی‘ شیخ رشید

سینیٹ الیکشن میں کامیابی کے بعد اصل ایجنڈا کے ساتھ سامنے آئے گا، سربراہ عوامی مسلم لیگ
اسلام آباد (مانیٹرنگ ڈیسک) عوامی مسلم لیگ کے سربراہ شیخ رشید نے کہاہے کہ نواز شریف ذہنی توزن کھوبیٹھے ہیں آنے والے دنوں میں ان کی سیاست ختم ہوجائے گی ان کا نیلسن منڈیلا سے کسی طرح مواز نہ نہیں کیا جاسکتا کالی سازش کا حصہ بننے والوں کا انجام خوفناک ہوتا ہے۔ آصف زرداری کیا کرے گا یہ فوجیوں کو سمجھ نہیں آرہی ۔ نجی ٹی وی سے خصوصی گفتگو کرتے ہوئے انہوں نے کہا کہ منڈیلا نے تو اپنے ملک و قوم کے لیے جیل کاٹی تھی۔ نواز شریف منی لانڈرنگ پر جیل کاٹیں گے۔ خورشید شاہ بھی ان لیگ کے ساتھ ملا ہوا ہے۔ آصف زرداری نے سینیٹ الیکشن پر ن لیگ سے مختلف اسٹینڈ لیا ہے آنے والے دنوں میں زرداری کیا کرے گا یہ فوجیوں کو سمجھ نہیں آرہی کیونکہ فوجی کتنا ہی چالاک ہو سادہ ہوتا ہے اور یہ لوگ تو سکھر کی بل دار جلیبیاں ہیں۔ سینیٹ الیکشن میں کامیابی کے بعد آصف زرداری اپنے اصل ایجنڈے کے ساتھ سامنے آئے گا۔ عابد باسکر ہو یا عزیز بلوچ ان کو بے گناہ لوگوں کو مارنے کے لیے استعمال کیا جاتا رہا ہے۔ یہ بدمعاش ٹولہ عدلیہ اور فوج پر حملے کرکے ملک پر قبضہ کرنا چاہتا ہے۔ ہم خون کے آخری قطرے تک وطن کا دفاع کریں گے۔

About محمد ہارون عباس قمر

محمد ہارون عباس، صحافی، براڈکاسٹراورسافٹ وئر انجینئرپاکستان کے مانچسٹر فیصل آباد میں پیدا ہوئے۔ابتدائی تعلیم فیصل آباداوربراڈکاسٹنگ کی تعلیم ہلورسم اکیڈمی ، ہالینڈسے حاصل کی۔ کمپیوٹر میں تعلیم اسلام آباد، پاکستان سے حاصل کرنے کے ساتھ ساتھ، ریڈیائی صحافت سے وابستہ رہے ہیں۔اس حوالے سے پاکستان کے مختلف ٹی وی چینلزکے ساتھ ساتھ ریڈیو ایران،ریڈیو پاکستان سے ان کی وابستگی رہی۔ تعلیم اور صحافتی سرگرمیوں کے سلسلے میں وہ پاکستان کے مختلف شہروں کے علاوہ ایران، سری لنکا، نیپال، وسطی ایشیائی ریاستوں‌کے علاوہ مشرقی یوروپ کے مختلف ممالک کا سفر کر چکے ہیں۔مختلف اخبارات میں سماجی، سیاسی اور تکنیکی امور پر ان کے مضامین شائع ہوتے رہتے ہیں۔علاوہ ازیں اردو زبان کو کمپیوٹزاڈ شکل میں ڈھالنے میں ان کا بہت بڑا کردار ہے۔ محمد ہارون عباس ممتاز این جی اوز سے وابستہ رہے ہیں۔ جن میں جنوبی ایشیائی ممالک کی تنظیم ساوتھ ایشین سنٹر اور پاکستان کی غیر سرکاری تنظیموں کے نمائندہ فورم پاکستان این جی اوز فیڈرشین شامل ہیں۔ علاوہ ازیں پاکستان مسلم لیگ کے مرکزی میڈیا ونگ اسلام آباداور پاکستان کے پارلیمنٹرینز کی تنظیم پارلیمنٹرین کمشن فار ہیومین رائٹس میں بھی تکنیکی امور کے نگران رہے ۔وہ پاکستان کے سب سے بڑے نیوز گروپ جنگ گروپ آف نیوزپیپرز، پاکستان کے اردو زبان کے فروغ کے لئے قائم کئے گئے ادارے مقتدرہ قومی زبان ، پاکستان کے سب سے بڑے صنعتی گروپ دیوان گروپ آف کمپنیز کو تکنیکی خدمات فراہم کرتے رہے ہیں۔ محمد ہارون عباس القمر آن لائن کے انتظامی اور تکنیکی امور کے نگران ہیں۔ اس کے ساتھ ساتھ انہیں انٹرنیٹ پر پاکستان کی تمام نیوز سائٹس کے پلیٹ فارم پاکستان سائبر نیوز ایسوسی ایشن کے پہلے صدر ہونے کا بھی اعزاز حاصل ہے

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے