Home / پاکستان / عمران خان نیازی ڈھٹائی کے ساتھ قوم سے جھوٹ بولتے ہیں: شہباز شریف

عمران خان نیازی ڈھٹائی کے ساتھ قوم سے جھوٹ بولتے ہیں: شہباز شریف

لاہور میں پریس کانفرنس کے دوران وزیراعلیٰ پنجاب شہباز شریف کا کہنا تھا کہ عمران خان نیازی ڈھٹائی کے ساتھ قوم سے جھوٹ بولتے ہیں۔

انہوں نے فیصل سبحان کا نام لے کر جھوٹ بولا تاہم عمران خان نیازی کی باتوں کا حقائق سے دور دور تک کوئی تعلق نہیں۔ عمران خان کو ہرجانے کا نوٹس دیا ہے لیکن وہ تاریخ پر تاریخ لے رہے ہیں اور نوٹس کا جواب دینے کے بجائے الزام لگاتے ہیں جب کہ یہاں صدیاں بیت جاتی ہیں لیکن فیصلے نہیں ہوتے۔

شہباز شریف کا کہنا تھا کہ عمران خان کو جھوٹ بولنے پر کوئی شرم نہیں آتی، عمران خان نے پہلا الزام لاہور کی میٹرو بس منصوبے پر لگایا، ملتان میٹرو بس منصوبے پر بھی بے بنیاد الزامات لگائے گئے تاہم کئی بار کہا کہ قصوروار ہوا تو سیاست چھوڑ دوں گا۔

ان کا کہنا تھا کہ عدالت میں جھوٹ ثابت ہو تو عمران خان کسی درگاہ پر بیٹھ جائیں اور کسی حجرے میں بیٹھ کر تربیت حاصل کریں، خیبرپختونخوا میں بلین ٹری کا منصوبہ بہت بڑا فراڈ ہے اب حقائق سامنے آرہے ہیں، اس کے علاوہ کے پی کے میں 74 میگاواٹ بجلی کا منصوبہ بھی جھوٹ کا پلندہ ہے۔

About محمد ہارون عباس قمر

محمد ہارون عباس، صحافی، براڈکاسٹراورسافٹ وئر انجینئرپاکستان کے مانچسٹر فیصل آباد میں پیدا ہوئے۔ابتدائی تعلیم فیصل آباداوربراڈکاسٹنگ کی تعلیم ہلورسم اکیڈمی ، ہالینڈسے حاصل کی۔ کمپیوٹر میں تعلیم اسلام آباد، پاکستان سے حاصل کرنے کے ساتھ ساتھ، ریڈیائی صحافت سے وابستہ رہے ہیں۔اس حوالے سے پاکستان کے مختلف ٹی وی چینلزکے ساتھ ساتھ ریڈیو ایران،ریڈیو پاکستان سے ان کی وابستگی رہی۔ تعلیم اور صحافتی سرگرمیوں کے سلسلے میں وہ پاکستان کے مختلف شہروں کے علاوہ ایران، سری لنکا، نیپال، وسطی ایشیائی ریاستوں‌کے علاوہ مشرقی یوروپ کے مختلف ممالک کا سفر کر چکے ہیں۔مختلف اخبارات میں سماجی، سیاسی اور تکنیکی امور پر ان کے مضامین شائع ہوتے رہتے ہیں۔علاوہ ازیں اردو زبان کو کمپیوٹزاڈ شکل میں ڈھالنے میں ان کا بہت بڑا کردار ہے۔ محمد ہارون عباس ممتاز این جی اوز سے وابستہ رہے ہیں۔ جن میں جنوبی ایشیائی ممالک کی تنظیم ساوتھ ایشین سنٹر اور پاکستان کی غیر سرکاری تنظیموں کے نمائندہ فورم پاکستان این جی اوز فیڈرشین شامل ہیں۔ علاوہ ازیں پاکستان مسلم لیگ کے مرکزی میڈیا ونگ اسلام آباداور پاکستان کے پارلیمنٹرینز کی تنظیم پارلیمنٹرین کمشن فار ہیومین رائٹس میں بھی تکنیکی امور کے نگران رہے ۔وہ پاکستان کے سب سے بڑے نیوز گروپ جنگ گروپ آف نیوزپیپرز، پاکستان کے اردو زبان کے فروغ کے لئے قائم کئے گئے ادارے مقتدرہ قومی زبان ، پاکستان کے سب سے بڑے صنعتی گروپ دیوان گروپ آف کمپنیز کو تکنیکی خدمات فراہم کرتے رہے ہیں۔ محمد ہارون عباس القمر آن لائن کے انتظامی اور تکنیکی امور کے نگران ہیں۔ اس کے ساتھ ساتھ انہیں انٹرنیٹ پر پاکستان کی تمام نیوز سائٹس کے پلیٹ فارم پاکستان سائبر نیوز ایسوسی ایشن کے پہلے صدر ہونے کا بھی اعزاز حاصل ہے

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے