Home / World / Sports / کوئٹہ گلیڈی ایٹر ز کے ہاتھوں اسلام آباد یونائیٹڈ کو شکست

کوئٹہ گلیڈی ایٹر ز کے ہاتھوں اسلام آباد یونائیٹڈ کو شکست

اسلام آباد یونائٹیڈ نے پہلے بیٹنگ کرتے ہوئے 134رنز بنائے جواب میں کوئٹہ گلیڈی ایٹر نے مطلوبہ ہدف 4وکٹوں کے نقصان پر حاصل کیا
آج کوئٹہ گلیڈی ایٹرز کا پشاور زلمی سے میچ رات 9بجے ہوگا ٗ پشاور زلمی کی ٹیم جیت کیلئے پراعتماد نظر آتی ہے
شارجہ (مانیٹرنگ ڈیسک) پاکستان سپر لیگ کے نویں میچ میں کوئٹہ گلیڈی ایٹرز نے اسلام آباد یونائیٹڈ کو 6 وکٹ سے شکست دے دی۔ شارجہ میں کھیلے گئے پاکستان سپر لیگ کے نویں میچ میں اسلام آباد یونائیٹڈ نے پہلے بیٹنگ کرتے ہوئے مقررہ 20 اوورز میں 134 رنز بنائے جس کے جواب میں کوئٹہ گلیڈی ایٹرز نے مطلوبہ ہدف 18 ویں اوور میں 4 وکٹ کے نقصان پر پورا کرلیا۔ کوئٹہ کی جانب سے اسد شفیق اور شین واٹسن نے اننگز کا آغاز کیا، رومان رئیس نے تیسرے اوور میں شین واٹسن کو 2 رنز پر آئوٹ کیا لیکن بدقسمتی سے وہ نوبال قرار پائی جبکہ اگلی ہی گیند پر والٹن نے شین واٹسن کا ناقابل یقین کیچ پکڑا، مگر وہ فری ہٹ ہونے کی وجہ سے آئوٹ نہیں ہوئے البتہ وہ اگلے ہی اوور میں 13 رنز بنا کر اسٹیون فن کا شکار بن گئے۔ تیسرے نمبر پر بیٹنگ کے لیے آنے والے عمر امین بھی صرف 6 رنز کے مہمان ثابت ہوئے انہیں محمد سمیع نے بولڈ کیا جب کہ اسد شفیق 22 رنز کی ذمہ دارانہ اننگز کھیل کر فن کا نشانہ بنے۔ کیون پیٹرسن اور محمد نواز نے چوتھی وکٹ کے لیے 70 رنز کی شراکت داری قائم کی اس دوران کیون پیٹرسن نے 3 بلند و بانگ چھکے بھی مارے۔ آج کوئٹہ گلیڈی ایٹرز کا پشاور زلمی سے میچ پاکستانی وقت کے مطابق رات 9 بجے ہوگا۔

About محمد ہارون عباس قمر

محمد ہارون عباس، صحافی، براڈکاسٹراورسافٹ وئر انجینئرپاکستان کے مانچسٹر فیصل آباد میں پیدا ہوئے۔ابتدائی تعلیم فیصل آباداوربراڈکاسٹنگ کی تعلیم ہلورسم اکیڈمی ، ہالینڈسے حاصل کی۔ کمپیوٹر میں تعلیم اسلام آباد، پاکستان سے حاصل کرنے کے ساتھ ساتھ، ریڈیائی صحافت سے وابستہ رہے ہیں۔اس حوالے سے پاکستان کے مختلف ٹی وی چینلزکے ساتھ ساتھ ریڈیو ایران،ریڈیو پاکستان سے ان کی وابستگی رہی۔ تعلیم اور صحافتی سرگرمیوں کے سلسلے میں وہ پاکستان کے مختلف شہروں کے علاوہ ایران، سری لنکا، نیپال، وسطی ایشیائی ریاستوں‌کے علاوہ مشرقی یوروپ کے مختلف ممالک کا سفر کر چکے ہیں۔مختلف اخبارات میں سماجی، سیاسی اور تکنیکی امور پر ان کے مضامین شائع ہوتے رہتے ہیں۔علاوہ ازیں اردو زبان کو کمپیوٹزاڈ شکل میں ڈھالنے میں ان کا بہت بڑا کردار ہے۔ محمد ہارون عباس ممتاز این جی اوز سے وابستہ رہے ہیں۔ جن میں جنوبی ایشیائی ممالک کی تنظیم ساوتھ ایشین سنٹر اور پاکستان کی غیر سرکاری تنظیموں کے نمائندہ فورم پاکستان این جی اوز فیڈرشین شامل ہیں۔ علاوہ ازیں پاکستان مسلم لیگ کے مرکزی میڈیا ونگ اسلام آباداور پاکستان کے پارلیمنٹرینز کی تنظیم پارلیمنٹرین کمشن فار ہیومین رائٹس میں بھی تکنیکی امور کے نگران رہے ۔وہ پاکستان کے سب سے بڑے نیوز گروپ جنگ گروپ آف نیوزپیپرز، پاکستان کے اردو زبان کے فروغ کے لئے قائم کئے گئے ادارے مقتدرہ قومی زبان ، پاکستان کے سب سے بڑے صنعتی گروپ دیوان گروپ آف کمپنیز کو تکنیکی خدمات فراہم کرتے رہے ہیں۔ محمد ہارون عباس القمر آن لائن کے انتظامی اور تکنیکی امور کے نگران ہیں۔ اس کے ساتھ ساتھ انہیں انٹرنیٹ پر پاکستان کی تمام نیوز سائٹس کے پلیٹ فارم پاکستان سائبر نیوز ایسوسی ایشن کے پہلے صدر ہونے کا بھی اعزاز حاصل ہے

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے