صنم بلوچ کی انگوٹھی چوری ماسی کے گھر پر چھاپہ ڈلوادیا

ٹی وی فنکارہ پولیس کی بھاری نفری لے کر نیلم کالنی پہنچ گئیں
ماسی کے گھر میں توڑ پھوڑ بھی کی گئی، انگوٹھی برآمد نہیں ہوئی
کراچی (کلچرل رپورٹر) نجی ٹی وی پر مارننگ شو میں لوگوں کو انتہائی ہمدردی کا درس دینے والی اداکارہ و میزبان صنم بلوچ نے خود اخلاقیات کی ساری حدود پار کرلیں۔ گزشتہ دنوں صنم بلوچ کے گھر سے ان کی انگوٹھی چوری ہوگئی، صنم بلوچ نے اپنی ماسی کے گھر پولیس کا چھاپہ پڑوا دیا۔ ذرائع کے مطابق صنم بلوچ پولیس کی بھاری نفری لے کر نیلم کالونی میں رہائش پذیر ماسی کے گھر پہنچ گئیں اور گھر میں توڑ پھوڑ کی۔ ماسی قسمیں کھاتی رہ گئی، تاہم انگوٹھی کا پھر بھی کچھ پتا نہ چل سکا۔ اس دوران صنم نے ماسی کو تشدد کا نشانہ بھی بنایا اور پولیس اہلکار کھڑے تماشا دیکھتے رہے۔ صنم کے گھر میں کام کرنے والی ماسی کا کہنا تھا کہ ہم لوگ چور نہیں ہیں باجی ہم پر جھوٹا الزام لگا رہی ہے۔ صنم بلوچ کی انگوٹھی تاحال نہیں مل سکی ہے اور انہوں نے اپنی ماسی کو ملازمت سے فارغ کردیا ہے۔

وٹس ایپ کے ذریعے خبریں اپنے موبائل پر حاصل کرنے کے لیے کلک کریں

تمام خبریں اپنے ای میل میں حاصل کرنے کے لیے اپنا ای میل لکھیے

اپنا تبصرہ بھیجیں