Home / اہم ترین / نواز شریف نے خلائی مخلوق دیکھی ہے تو ناسا سے رابطہ کریں ٗ رحمن ملک

نواز شریف نے خلائی مخلوق دیکھی ہے تو ناسا سے رابطہ کریں ٗ رحمن ملک

عمران خان فوج پر لگائے الزامات کے ثبوت پیش کریں
ثبوت پیش نہ کئے تو وہ صادق اور امین نہیں رہیں گے
اسلام آباد( مانیٹرنگ ڈیسک) پیپلز پارٹی کے سینیٹر رحمن ملک نے کہا کہ عمران خان پاک فوج پر لگائے اپنے الزام کے ثبوت پیش کریں ورنہ وہ بھی صادق و امین نہیں ہیں اور آرٹیکل62 اور63 کی زد میں آکر نااہل ہوجائینگے۔ نواز شریف نے اگر خلائی مخلوق دیکھی ہے تو وہ ناسا سے رابطہ کریں۔ آج عمران خان کا اچھا وقت چل رہا ہے تو کل کو برا وقت بھی آئیگا۔ پیپلز پارٹی عرصے سے شور مچارہی ہے کہ پارلیمنٹ کو مضبوط کرو لیکن نواز شریف نے ہماری ایک نہ سنی اور آج بھگت رہے ہیں۔ وہ جمعہ کو یہاں پارلیمنٹ ہاؤس کے باہر میڈیا سے گفتگو کررہے تھے۔ انہوں نے کہا کہ خلائی مخلوق تو ابھی تک ناسا نے بھی دریافت نہیں کی۔ اگر نواز شریف نے خلائی مخلوق دیکھی ہے تو وہ ناسا سے رابطہ کریں اور اس کا اعلان بھی کریں۔ ان کی دریافت سے ملک کا ساری دنیا میں نام روشن ہوگا۔ عمران خان نے بھی کہا کہ پاک فوج نے نواز شریف کو الیکشن جتوایا۔ میرا مطالبہ ہے کہ عمران خان بھی اپنے اس الزام کی وضاحت کریں اور اس کا ثبوت قوم کے سامنے رکھیں۔ اگر عمران خان ثبوت پیش کرنے میں ناکام ہوجاتے ہیں تو پھر وہ بھی صادق اور امین نہیں ہیں اور عوام ان کیخلاف بھی سپریم کورٹ میں جائینگے۔

About محمد ہارون عباس قمر

محمد ہارون عباس، صحافی، براڈکاسٹراورسافٹ وئر انجینئرپاکستان کے مانچسٹر فیصل آباد میں پیدا ہوئے۔ابتدائی تعلیم فیصل آباداوربراڈکاسٹنگ کی تعلیم ہلورسم اکیڈمی ، ہالینڈسے حاصل کی۔ کمپیوٹر میں تعلیم اسلام آباد، پاکستان سے حاصل کرنے کے ساتھ ساتھ، ریڈیائی صحافت سے وابستہ رہے ہیں۔اس حوالے سے پاکستان کے مختلف ٹی وی چینلزکے ساتھ ساتھ ریڈیو ایران،ریڈیو پاکستان سے ان کی وابستگی رہی۔ تعلیم اور صحافتی سرگرمیوں کے سلسلے میں وہ پاکستان کے مختلف شہروں کے علاوہ ایران، سری لنکا، نیپال، وسطی ایشیائی ریاستوں‌کے علاوہ مشرقی یوروپ کے مختلف ممالک کا سفر کر چکے ہیں۔مختلف اخبارات میں سماجی، سیاسی اور تکنیکی امور پر ان کے مضامین شائع ہوتے رہتے ہیں۔علاوہ ازیں اردو زبان کو کمپیوٹزاڈ شکل میں ڈھالنے میں ان کا بہت بڑا کردار ہے۔ محمد ہارون عباس ممتاز این جی اوز سے وابستہ رہے ہیں۔ جن میں جنوبی ایشیائی ممالک کی تنظیم ساوتھ ایشین سنٹر اور پاکستان کی غیر سرکاری تنظیموں کے نمائندہ فورم پاکستان این جی اوز فیڈرشین شامل ہیں۔ علاوہ ازیں پاکستان مسلم لیگ کے مرکزی میڈیا ونگ اسلام آباداور پاکستان کے پارلیمنٹرینز کی تنظیم پارلیمنٹرین کمشن فار ہیومین رائٹس میں بھی تکنیکی امور کے نگران رہے ۔وہ پاکستان کے سب سے بڑے نیوز گروپ جنگ گروپ آف نیوزپیپرز، پاکستان کے اردو زبان کے فروغ کے لئے قائم کئے گئے ادارے مقتدرہ قومی زبان ، پاکستان کے سب سے بڑے صنعتی گروپ دیوان گروپ آف کمپنیز کو تکنیکی خدمات فراہم کرتے رہے ہیں۔ محمد ہارون عباس القمر آن لائن کے انتظامی اور تکنیکی امور کے نگران ہیں۔ اس کے ساتھ ساتھ انہیں انٹرنیٹ پر پاکستان کی تمام نیوز سائٹس کے پلیٹ فارم پاکستان سائبر نیوز ایسوسی ایشن کے پہلے صدر ہونے کا بھی اعزاز حاصل ہے

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے