Breaking News
Home / اہم ترین / اپوزیشن پہلے ہی دن سے حکومت گرانے میں لگی ہے، وزیر اعظم عمران خان

اپوزیشن پہلے ہی دن سے حکومت گرانے میں لگی ہے، وزیر اعظم عمران خان

کوالالمپور: وزیر اعظم عمران خان نے کہا ہے کہ آج بڑا عظیم دن ہے کیونکہ اس دن حضور اکرم ﷺ کی ولادت ہوئی جنہوں نے بعد میں دنیا کی پہلی فلاحی ریاست بنائی۔

وزیر اعظم عمران خان نے دورہ ملائشیا کے دوران دارالحکومت کوالالمپور میں پاکستانی کمیونٹی سے خطاب کرتے ہوئے کہا ہے کہ بیرون ملک سے پاکستانی زر مبادلہ بھیجتے ہیں جس سے ملک چلتا ہے۔

وزیر اعظم عمران خان نے تقریب کے انعقاد پر سفارت کار خراج تحسین پیش کرتے ہوئے کہا ہے کہ ملائیشیا میں پاکستانی سفارت کار نے جنون سمجھ کر کام کیا۔

وزیر اعظم کا کہنا تھا کہ مثبت امیج اجاگر کرنے پر بیرون ملک پاکستانیوں کو خراج تحسین پیش کرتا ہوں، میرے دورے کے لئے پاکستانیوں کا ہوم ورک اور محنت نظر آئی۔

عمران خان نے تقریب سے خطاب کرتے ہوئے کہا ماضی میں پاکستان کی مثالیں دی جاتی تھیں تیزی سے ترقی کر رہا تھا، ماضی میں اوورسیز پاکستانیوں کو ملک میں سہولتیں فراہم نہیں کرسکے، مثال دی جاتی تھی پاکستان تیزی سے ترقی کرتے ہوئے کیلیفورنیا بننے جارہا ہے۔

وزیر اعظم کا کہنا تھا کہ جو قومیں اپنی غلطیوں کو ٹھیک نہیں کرتی وہ تباہ ہوجاتی ہیں، ملائیشیا کی خوش قسمتی ہیں کہ انہیں مہاتیر محمد جیسا لیڈر ملا، ملائیشیا کو دیکھتا ہوں تو سوچتا ہوں کہاں ملائیشیا ہے اور کہاں ہم ہیں۔

عمران خان نے ملائشین وزیر اعظم مہاتیر محمد کی تعریف کرتے ہوئے کہا کہ ملائیشیا کے وزیراعظم نے اپنے ملک کو ذاتی مفاد پر ترجیح دی، ملائیشیا میں کرپشن کا خاتمہ کیا گیا، جنہوں نے کرپشن کی آج جیل میں ہیں۔

وزیر اعظم عمران خان کا کہنا تھا کہ بد قسمتی سے ہم نے پاکستان کے وسائل پر توجہ نہیں دی، پاکستان میں ملائیشیا سے زیادہ وسائل ہیں بد قسمتی سے استعمال نہیں کیا گیا۔

وزیراعظم عمران خان کا کہنا تھا کہ آج بڑا عظیم دن ہے، ان کی تعلیمات پر عمل کرنا چاہیے، حضور اکرم نے دنیا کی پہلی فلاحی ریاست بنائی، مدینہ کی ریاست کے لئے سب سے پہلے انسانیت کو سامنے رکھا گیا۔

عمران خان نے پاکستانی کمیونٹی سے گفتگو کرتے ہوئے کہا کہ حضور اکرم عوام کو بتایا آپ کے اندر احساس ہونا چاہیے، وسائل بڑی بات نہیں، ایک معذور بھی سمجھتا تھا میں اس ریاست کا حصہ ہوں اور قوم کھڑی ہوگئی۔

وزیر اعظم عمران خان کا کہنا تھا کہ پاکستان کو معاشی مسائل سے نکالنے کے لئے 4 بڑے اقدامات کرنا ہوں گے، منی لانڈرنگ کا راستہ روکنے کے لئے اقدامات کر رہے ہیں منی لانڈرنگ کا راستہ روکنے کے لئے اقدامات کر رہے ہیں۔

پاکستانی وزیر اعظم کا کہنا تھا کہ غیر قانونی راستے سے ترسیلات زر بھیجنے کے اقدامات ختم کریں گے، بیرون ملک سے آنے والے پاکستانی سرمایہ کاروں کو سہولتیں دیں گے، ایک سرمایہ کاری بورڈ بنائیں گے جو پاکستانی سرمایہ کاروں کو سہولت دے گا۔

وزیر اعظم عمران خان کا کہنا تھا کہ اپوزیشن تو پہلے دن سے لگی ہے کسی طرح پی ٹی آئی کی حکومت گر جائے، ان سب کو معلوم ہوچکا ہے انہیں تھوڑی دیر بعد جیلوں میں جانا ہے، اس لیے یہ جمہوریت بچانے کے لئے جمع ہو رہے ہیں، جو سب سے زیادہ شور مچا رہا ہے اسے معلوم ہے کچھ دن میں جیل جائے گا۔

About ویب ڈیسک

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے