Breaking News
Home / اہم ترین / بالائی علاقوں میں برفباری کا سلسلہ جاری

بالائی علاقوں میں برفباری کا سلسلہ جاری

محکمہ موسمیات کی جانب سے کراچی اور لاہور میں بوندا باندی اور بارش کی پیش گوئی کی گئی ہے جب کہ بالائی علاقوں میں برفباری کا سلسلہ جاری ہے۔

رات گئے لاہور، شیخو پورہ، سرگودھا، فیصل آباد، ساہیوال، کمالیہ، مانسہرہ اور نوشکی میں ہلکی بارش ہوئی جس کے بعد سردی کی شدت میں اضافہ ہوگیا جب کہ گلگت، مری، استور، دیر بالا، وادی نیلم، باغ، پونچھ میں برفباری سے ہر طرف سفیدی چھا گئی۔

محکمہ موسمیات نے آئندہ چوبیس گھنٹوں میں پشاور، مردان، راولپنڈی، اسلام آباد، سندھ اور مکران کے ساحلی علاقوں سمیت کراچی میں بھی کہیں ہلکی اور کہیں تیز بارش کا امکان ظاہر کیا ہے۔ محکمہ موسمیات کے مطابق آئندہ 24 گھنٹوں کے دوران کراچی میں موسم خشک اور رات میں سرد رہنے کا امکان جب کہ شہر بوندا باندی اور بارش بھی ہوسکتی ہے۔

دوسری جانب بالائی علاقے بدستور سردی کی لپیٹ میں ہیں، گلگت اور گرد و نواح میں وقفے وقفے سے برفباری کا سلسلہ جاری ہے۔ کوئٹہ اور گرد و نواح میں مطلع صاف اور موسم خشک رہنے کا امکان ہے جہاں کم سے کم درجہ حرارت منفی ایک ڈگری سینٹی گریڈ ریکارڈ کیا گیا، مکران کے ساحلی علاقوں میں مطلع جزوی ابر آلود رہنے اور بعض مقامات پر ہلکی بارش کا امکان ہے۔

About ویب ڈیسک

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے