خورشید شاہ کے چہرے پر مسکراہٹیں، اعتزاز احسن کو کس بات کا دکھ ہوا؟ اہم خبر آگئی

پاکستان پیپلز پارٹی کے رہنما بیرسٹر اعتزاز احسن نے کہا ہے کہ اپوزیشن لیڈر کو بغیر بتائے گرفتار کرنا بڑے دکھ کی بات ہے، وہ کہیں نہیں بھاگ رہے تھے۔
میڈیا سے گفتگو کرتے ہوئے پاکستان پیپلز پارٹی کے سینئر رہنماء اور ممتاز قانون دان اعتزاز احسن نے کہا کہ بڑے دکھ کی بات ہے کہ اپوزیشن لیڈر کو بغیر بتائے گرفتار کیا گیا، ہم ان سے مل کے آئے ہیں اور خورشید شاہ کے چہرے پر مسکراہٹ دیکھ کر خوشی ہوئی ہے۔
انہوں نے کہا کہ ڈاکٹرز کو تشویش ہے کہ وہ فزیکل فٹ نہیں، معدے کا مسئلہ سامنے آ رہا ہے، بلڈ پریشر بھی ہائی ہے ۔انہوں نے کہا کہ کسی کے گھر پہ عدم موجودگی پہ چھاپے مارنا گھریلو خواتین کو پریشان کرنا شرم کی بات ہے۔
بیرسٹر اعتزاز احسن نے کہاکہ شاہ صاحب نے کوئی ٹکٹ نہیں کٹایا تھا نہ ہی وہ بھاگ کر کہیں جا رہے تھے وہ پارٹی کے اجلاس میں شامل تھے اچانک گرفتار کرنا شرم کی بات ہے، نیب کے پاس کوئی بہانہ نہیں تھا اور سینئر پارلیمنٹرین کو پارلیمنٹ کے اندر سے گرفتار کرنا ہمارے لئے بڑے دکھ کی بات ہے۔

اپنا تبصرہ بھیجیں