ایران میں 40 سال بعد خواتین کو اسٹیڈیم میں جانے کی اجازت

تہران (اے پی پی) ایران نے خواتین کو اسٹیڈیم میں جاکر میچ دیکھنے کی اجازت دے دی۔ ایران میں 40 سال تک اسٹیڈیم میں خواتین کے داخلے پر پابندی عائد تھی، فٹبال کی عالمی تنظیم فیفا نے ایران میں خواتین پر اسٹیڈیم میں جاکر میچ دیکھنے پر پابندی سے متعلق ایران سے گزشتہ ماہ درخواست کی کہ خواتین کو پابندیوں کے بغیر اسٹیڈیم میں جاکر میچ دیکھنے کی اجازت دی جائے۔ پابندی ختم ہونے کے بعد خواتین نے 2022ء کے ورلڈ کپ کے سلسلے میں جمعرات کو دارالحکومت تہران کے آزادی اسٹیڈیم میں ایران اور کمبوڈیا کے درمیان ہونے والے کوالیفائر میچ کو دیکھنے کے لیے فوری ٹکٹس خریدے، ٹکٹوں کا پہلا بیج ایک گھنٹے کے اندر فروخت ہوگیا۔

اپنا تبصرہ بھیجیں