بچوں کی لڑائی میں بڑے کود پڑے نیو کراچی میں لوہے کی راڈ لگنے سے ایک شخص ہلاک

جھگڑے میں ملوث افراد فرار ہوگئے،پولیس گرفتاری کیلئے پولیس چھاپے مار رہی ہے
کراچی (کرائم رپورٹر) صبح سویرے نیو کراچی میں بچوں کی لڑائی پر بڑے کود پڑے، لاٹھی ڈنڈوں اور لوہے کی راڈ لگنے سے ایک شخص ہلاک۔ تفصیلات کے مطابق نیو کراچی کے علاقے سیکٹر 11/D اقصیٰ مسجد کے قریب مکان نمبر 2/103 کے باہر جھگڑے کے دوران لوہے کی راڈ لگنے سے 45 سالہ فرید ولد فضل الدین لہولہان ہوگیا جسے طبی امداد کے لیے عباسی شہید اسپتال پہنچایا گیا جہاں پر مضروب دوران علاج زخموں کی تاب نہ لاتے ہوئے دم توڑ گیا۔ پولیس کے مطابق جھگڑے میں ملوث افراد فرار ہوگئے ہیں جن کی گرفتاری کے لیے چھاپے مارے جارہے ہیں جبکہ جھگڑا بچوں کی لڑائی پر پیش آیا ہے تاہم پولیس نے واقعہ کا مقدمہ درج کرلیا ہے۔

اپنا تبصرہ بھیجیں