صرف لڑکیوں نہیں لڑکوں کو بھی تعلیم دی جائے، شان کا مہوش حیات کو جواب

ہمارے فنکار تعلیم یافتہ تو ہیں لیکن اس شعبے میں نہیں جس میں وہ ایک فنکار ہیں
تعلیم، مہارت، جذبہ اور ذہانت کی برابری کی بنیاد پر حمایت کرنی چاہیے، شان شاہد
کراچی(مانیٹرنگ ڈیسک)اداکار شان شاہد نے مہوش حیات کی جانب سے صرف لڑکیوں کی تعلیم کے حق میں آواز اٹھانے پر کہا ہے کہ اگر لڑکے کو بھی پڑھائیں تو سب آگے جائیں گے۔مہوش حیات کی ٹوئٹ پر شان شاہد خاموش نہ رہے اور انہوں نے اپنا رد عمل دیتے ہوئے کہا کہ اگر لڑکے کو بھی پڑھائیں تو سب آگے جائیں گے تعلیم، مہارت، جذبہ اور ذہانت کی برابری کی بنیاد پر حمایت کرنا چاہیے۔شان شاہد نے یہ بھی کہا کہ ہمارے فنکار تعلیم یافتہ تو ہیں لیکن اس شعبے میں نہیں جس میں وہ ایک فنکار ہیں، یہی وجہ ہے کہ ہمارے فنکار کسی اکیڈمی سے سیکھ کر تو نہیں نکلے لیکن قدرتی طور پر صلاحیتوں سے مالا مال ہیں اور یہی ہماری اصل طاقت ہے۔اداکارہ مہوش حیات کو چند روز قبل ہی حکومت پاکستان کی جانب سے لڑکیوں کے حقوق کا خیرسگالی سفیر بنایا گیا ہے جس کے بعد انہوں نے متعدد ویڈیوز جاری کیں جن میں انہوں نے لڑکیوں کے حقوق کے لیے نہ صرف آواز بلند کی بلکہ دوسروں کو بھی لڑکیوں سے مشقت کروانے کے خلاف اْٹھ کھڑا ہونے کا کہا۔مہوش حیات نے ٹویٹر پر اپنی ایک ویڈیو میں کہا تھا کہ ایک لڑکی جب پڑھے گی تو اپنے پیروں پر کھڑی ہوگی، ایک لڑکی جب پڑھے گی تو خود مختار بنے گی، ایک سمجھ دار ماں بنے گی، صرف اپنی ہی نہیں بلکہ پورے گھرانے کی زندگی بدلے گی۔مہوش حیات نے اپنی ویڈیو میں یہ بھی کہا کہ ایک لڑکی جب پڑھے گی تو اپنی آنے والی نسلیں سنبھالے گی ملک کو مضبوط بنائے گی کیوں کہ پاکستان کا آئین ہر لڑکی اور لڑکے کو مفت تعلیم کا حق فراہم کرتا ہے اس لیے اگر لڑکی کو پڑھائیں گے تبھی تو آگئے جائیں گے۔

وٹس ایپ کے ذریعے خبریں اپنے موبائل پر حاصل کرنے کے لیے کلک کریں

تمام خبریں اپنے ای میل میں حاصل کرنے کے لیے اپنا ای میل لکھیے

اپنا تبصرہ بھیجیں