آرمی چیف کی مدت ملازمت پر بل اکثریت کے ساتھ پاس ہوگا، گورنر سندھ

حکومت فوج عدالتیں ایک پیج پر ہیں‘سازشیں کرنے والے حسرت کے آنسو بہا کر سو جائیں‘عمران اسماعیل
مولانا کون سے حلقے کھلوانا چاہتے ہیںہمیں بتا دیں‘ کراچی کو 8 ارب جاری ہو گئے ہیں‘میڈیا سے گفتگو
کراچی(اسٹاف رپورٹر) گورنر سندھ عمران اسماعیل نے کہا ہے کہ آرمی چیف کی مدت ملازمت پر بل اکثریت کیساتھ پاس ہوگا۔ حکومت فوج عدالتیں ایک پیج پر ہیں۔ سازشیں کرنیوالے حسرت کے آنسو بہا کر سو جائیں۔ کراچی کے علاقے کورنگی میں مسجد کا افتتاح کرنے کے بعد میڈیا سے گفتگو کرتے ہوئے گورنر سندھ عمران اسماعیل کا کہنا تھا کہ مولانا فضل الرحمان کون سے حلقے کھلوانا چاہتے ہیں، ہمیں بتا دیں۔ یہ لوگ چار جگہوں سے کھڑے ہوتے ہیں اور ایک جگہ سے بھی نہیں جیت پاتے۔گورنر سندھ عمران اسماعیل کا مزید کہنا تھا کہ آرمی چیف کی مدت ملازمت پر بل واضح اکثریت کے ساتھ اسمبلی میں پاس ہوگا۔ اپوزیشن کا اپنا فیصلہ ہوگا کہ وہ کیا کرنا چاہتی ہے۔انہوں نے کہا کہ میئر کراچی کیساتھ رابطے میں ہوں، چیزوں کو بہتر ہونے میں وقت لگتا ہے۔ کراچی کو 8 ارب روپے جاری ہو گئے ہیں۔

وٹس ایپ کے ذریعے خبریں اپنے موبائل پر حاصل کرنے کے لیے کلک کریں

تمام خبریں اپنے ای میل میں حاصل کرنے کے لیے اپنا ای میل لکھیے

اپنا تبصرہ بھیجیں