انسداد تجاوزات کا آج یوسف گوٹھ میں بڑا آپریشن

ممکنہ ہنگامہ آرائی کے پیش نظر پولیس اور رینجرز کی نفری کو بھی طلب کرلیا گیا ہے
انٹر سٹی بس ٹرمینل بلدیہ ٹائون میں بڑے پیمانے پر تجاوزات قائم ہوگئی ہیں جسے ختم کرنا ہے
کراچی (اسٹاف رپورٹر) بلدیہ عظمیٰ کراچی کے محکمہ انسداد تجاوزات کی جانب سے آج یوسف گوٹھ بس ٹرمینل پر تجاوزات کے خلاف بڑے پیمانے پر آپریشن کیا جائے گا، جس میں ہیوی مشینری کا استعمال ہوگا، اس سلسلے میں تمام تیاریاں مکمل کر لی گئی ہیں۔ تجاوزات کی وجہ سے بس ٹرمینل میں بلدیہ عظمیٰ کراچی اور ٹرانسپورٹرز کو شدید مشکلات کا سامنا کرنا پڑ رہا ہے، آپریشن کے دوران کسی بھی ممکنہ ہنگامہ آرائی کے پیش نظر پولیس اور رینجرز کی نفری کو طلب کر لیا گیا ہے۔ بلدیہ عظمیٰ کراچی کے پروجیکٹ ڈائریکٹر ٹرمینل نے میئر کراچی وسیم اختر سے استدعا کی تھی کہ انٹرسٹی بس ٹرمینل یوسف گوٹھ بلدیہ ٹائون میں بڑے پیمانے پر تجاوزات قائم ہوگئی ہیں جس کو فوری طور پر ختم کیا جائے، میئر کراچی نے فوری ایکشن لیتے ہوئے محکمہ انسداد تجاوزات کو ہدایت کی کہ فوری طور پر بس ٹرمینل سے تجاوزات کا خاتمہ کر دیا جائے، محکمہ انسداد تجاوزات کی جانب سے آج بس ٹرمینل پر بڑے پیمانے پر کارروائی کی جائے گی جس کے لیے قانون نافذ کرنے والے اداروں کو آگاہ کر دیا گیا ہے۔

وٹس ایپ کے ذریعے خبریں اپنے موبائل پر حاصل کرنے کے لیے کلک کریں

تمام خبریں اپنے ای میل میں حاصل کرنے کے لیے اپنا ای میل لکھیے

اپنا تبصرہ بھیجیں