ٹیلی گرام کے ذریعے خبریں اپنے موبائل پر حاصل کرنے کے لیے کلک کریں

القمرآن لائن کے ٹیلی گرام گروپ میں شامل ہوں اور تازہ ترین اپ ڈیٹس موبائل پر حاصل کریں

ورجینیا: 63 گاڑیاں ایک دوسرے سے ٹکرا گئیں

امریکی ریاست ورجینیا میں اتوار کے روز ہائی وے 64 پر، ہیمپٹن روڈ کے نزدیک 63 گاڑیاں بیک وقت ایک دوسرے سے ٹکرا گئیں۔

ورجینیا پولیس کے مطابق حادثہ اتوار کی صبح آٹھ بجے کے نزدیک سخت سردی کے باعث سڑک پر جمی برف کی تہہ کے سبب پیش آیا۔ یہ تمام گاڑیاں ہائی وے پر مغرب کی سمت جا رہی تھیں اور کیمپ پیری کے ایگزٹ کے قریب حادثے کا شکار ہو گئیں۔

حادثے کے باعث روڈ پر ٹریفک جام ہو گیا۔ ریاست کی پولیس اور ہنگامی امداد کے کارکن گآڑیوں کو سڑک سے ہٹانے اور ہائی وے کلئیر کرنے کی کوششیں کر رہے ہیں۔

پولیس نے بتایا ہے کہ اس حادثے میں 35 افراد زخمی ہوئے جنہیں اسپتال پنہچا دیا گیا ہے۔ مقامی اسپتالوں کے مطابق 50 کے قریب زخمیوں کو امداد فراہم کی جا رہی ہے۔ زیادہ تر زخمیوں کو علاج فراہم کرنے کے بعد گھر بھیج دیا گیا ہے جب کہ کچھ مریضوں کو شدید چوٹیں آئی ہیں۔

ریاست ورجینیا ان دنوں شدید سردی کی لپیٹ میں ہے اور رات کے وقت درجہ حرارت صفر سے 10 سے 15 درجے نیچے تک گر جاتا ہے۔ جس کے باعث سڑک پر برف کی انتہائی باریک تہہ جم جاتی ہے جو بظاہر دکھائی نہیں دیتی۔ برف کی یہ تہہ اکثر اوقات حادثات کا سبب بن جاتی ہے۔

وٹس ایپ کے ذریعے خبریں اپنے موبائل پر حاصل کرنے کے لیے کلک کریں

تمام خبریں اپنے ای میل میں حاصل کرنے کے لیے اپنا ای میل لکھیے

اپنا تبصرہ بھیجیں