ٹیلی گرام کے ذریعے خبریں اپنے موبائل پر حاصل کرنے کے لیے کلک کریں

القمرآن لائن کے ٹیلی گرام گروپ میں شامل ہوں اور تازہ ترین اپ ڈیٹس موبائل پر حاصل کریں

حریم شاہ سے کبھی ملاقات نہیں ہوئی، جھوٹے الزامات لگائے گئے‘ فواد چوہدری

اسلام آباد (مانیٹرنگ ڈیسک)وفاقی وزیر فواد چوہدری نے کہا ہے کہ گزشتہ روز نجی ٹی وی کے اینکر مبشر لقمان نے ساتھی صحافی کے ساتھ مل کر یوٹیوب پرپروگرام کیا، یہ پروگرام یوٹیوب چینل پر اپنی ریٹنگ بڑھانے کے لیے کیا گیا۔اس حوالے سے نجی ٹی وی چینل نیوز کے پروگرام میں میزبان سے گفتگو کرتے ہوئے انہوں نے کہا کہ مبشر لقمان نے پروگرام میں حریم شاہ کی ویڈیو سے متعلق مجھ پر بے سروپا الزامات لگائے ، مبشر لقمان کے پاس ایسی کوئی ویڈیو نہیں، صرف ریٹنگ کے لیے پروگرام کیا گیا، ٹوئٹر پر مجھ پر بہت تنقید ہوتی ہے لیکن کبھی کسی کو بلاک نہیں کیا۔فواد چوہدری کا کہنا تھا کہ وزیراعظم عمران خان یا تحریک انصاف مبشر لقمان کو سپورٹ کرتے ہوں گے لیکن سپورٹ کرنے سے کیا صحافت کا لائسنس مل جاتا ہے؟ ان کا کہنا تھا کہ میں نے جو کیا اپنے دفاع میں کیا، جواب دینا میرا حق ہے، آپ کسی پر الزام لگائیں توپھر رد عمل کیلئے بھی تیار رہنا چاہیے، پروگرام میں مجھ پر الزامات لگائے گئے، الزام لگانے والے کو ثابت کرنا ہوتا ہے نہ کہ جس پر الزام لگے۔وفاقی وزیر برائے سائنس و ٹیکنالوجی کا ٹک ٹک اسٹار حریم شاہ سے متعلق کہنا تھا کہ حریم شاہ سے میری کبھی کوئی ملاقات نہیں ہوئی، وزارت خارجہ آفس سے جو ویڈیو لیک ہوئی وہ وہاں کی نہیں ہے، وزارت خارجہ کا آفس پانچویں منزل پر ہے، ویڈیو پہلی منزل کی ہے۔یاد رہے کہ سوشل میڈیا سمیت الیکٹرانک میڈیا میں بھی ان دنوں حریم شاہ اور ان کی دوست صندل خٹک کی ٹک ٹاک ویڈیوز اور اہم سرکاری شخصیات تک ان کی پہنچ کے چرچے ہیں۔

وٹس ایپ کے ذریعے خبریں اپنے موبائل پر حاصل کرنے کے لیے کلک کریں

تمام خبریں اپنے ای میل میں حاصل کرنے کے لیے اپنا ای میل لکھیے

اپنا تبصرہ بھیجیں