اقرا عزیزاوریاسرحسین کا فہد مصطفیٰ کوٹک ٹاک پرجواب

کراچی: اداکارہ اقراعزیز اوریاسرحسین نے فہد مصطفیٰ کوویڈیو شیئرنگ ایپ ٹک ٹاک استعمال نہ کرنے کے بیان پرٹک ٹاک پرہی جواب دیا ہے۔

اداکارومیزبان فہد مصطفیٰ نے گزشتہ ماہ ٹوئٹر پروالدین سے بچوں کو ٹک ٹاک ایپ سے دور رکھنے کی گزارش کرتے ہوئے کہا تھا کہ یہ ایپ بچوں کے لیے بالکل بھی صحیح نہیں ہے۔

یہ بھی پڑھیں: فہد مصطفی کو’ٹک ٹاک‘ سے متعلق مشورہ دینا مہنگا پڑگیا

جہاں سوشل میڈیا صارفین نے فہد مصطفیٰ کو ٹک ٹاک استعمال نہ کرنے کے بیان پر آڑے ہاتھوں لیا تھا وہیں اداکارہ ہانیہ عامرنے بھی ان کے مطالبے کو ہوا میں اڑاتے ہوئے ایک ویڈیو شیئر کی تھی اور کہا تھا کہ وہ نئے سال میں عہد کرتی ہیں کہ جتنا ہوسکے ٹک ٹاک استعمال کریں گی اورفہد مصطفیٰ کو مایوس کریں گی۔

یہ بھی پڑھیں: ہانیہ عامرکا فہد مصطفیٰ کومایوس کرنے کا عہد

اوراب اداکار یاسر حسین اور ان کی اہلیہ اقراعزیز نے بھی فہد مصطفیٰ کے ٹک ٹاک سے دور رہنے کے بیان پرانہیں ٹک ٹاک ہی کے ذریعے جواب دیا ہے۔ اداکاریاسر اوراقرا نے گزشتہ روزاپنے اپنے انسٹاگرام پر اکاؤنٹس پر دو مزاحیہ  ویڈیوز شیئر کیں جو دراصل انہوں نے ٹک ٹاک پر بنائی تھیں۔

اقرا عزیز کی جانب سے شیئر کی جانے والی ویڈیو میں بالی ووڈ کی مشہور فلم ’’چاندنی‘‘ کے گانے پر دونوں اداکاری کرتے نظر آرہے ہیں۔

جب کہ جو ویڈیو یاسر حسین نے اپنے اکاؤنٹ پر شیئر کی اس میں بھی دونوں بالی ووڈ کے گانے پر اداکاری کررہے ہیں اور یہ کافی مزاحیہ ویڈیو ہے۔ اس ویڈیو کے ساتھ یاسر حسین نے پیغام لکھا جس میں وہ فہد مصطفیٰ سے معافی مانگتے ہوئے کہہ رہے ہیں معذرت فہد بھائی۔ تاہم انہوں نے کافی مزاحیہ انداز میں معافی مانگی ہے۔

وٹس ایپ کے ذریعے خبریں اپنے موبائل پر حاصل کرنے کے لیے کلک کریں

تمام خبریں اپنے ای میل میں حاصل کرنے کے لیے اپنا ای میل لکھیے

اپنا تبصرہ بھیجیں