ٹیلی گرام کے ذریعے خبریں اپنے موبائل پر حاصل کرنے کے لیے کلک کریں

القمرآن لائن کے ٹیلی گرام گروپ میں شامل ہوں اور تازہ ترین اپ ڈیٹس موبائل پر حاصل کریں

زائرہ وسیم سے بدتمیزی پر ملزم کو تین برس کی سزا

ممبئی ،16جنوری

ممبئی کی ایک خصوصی عدالت نے بالی ووڈ کی سابق کمسن اداکارہ کے ساتھ سفر کے دوران ہوائی جہاز میں بدتمیزی کرنے کے الزام کے تحت ایک ادھیڑ عمر شخص کو مجرم قرار دیا اور اسے تین برس کی سخت سزا سنائی۔
خصوصی عدالت کے جج اے ڈی دیو نے جنسی جرائم سے بچوں کی حفاظت (پاکسو ) قانون کے تحت معاملے میں سماعت کرتے ہوئے ملزم وکاس سچدیو کو مجرم قراردایا۔ساوتھ ایشین وائر کے مطابق وکاس سچدیو کو پاکسو قانون سے متعلق دفعات کے تحت بھی مجرم ٹھہرایا گیا کیونکہ متاثرہ کے ساتھ جب یہ واقعہ پیش آیا تھا تب اس کی عمر 17 برس تھی۔
دسمبر 2017 میں اداکارہ نے الزام لگایا تھا کہ ایئر وستارا کے جہاز سے دہلی سے ممبئی جانے کے دوران ان کے ساتھی مسافر نے ان سے چھیڑ چھاڑ کی تھی اور انہوں نے انسٹا گرام پر لائیو ویڈیو کے ذریعے اپنی آپ بیتی بتائی تھی ۔ساوتھ ایشین وائر کے مطابق انہوں نے اپنے پوسٹ میں کہا تھا کہ ان کے پیچھے بیٹھے مسافر نے اپنے پیر ان کی سیٹ کے آرم ریسٹ پر رکھ دئے ۔ واقعہ کے بعد انہوں نے ویڈیو پوسٹ میں کہا کہ ‘میں دہلی سے ممبئی جا رہے جہاز میں سفر کر رہی تھی میرے پیچھے ادھیڑ عمر کا ایک شخص بیٹھا ہوا تھا جس نے دو گھنٹے کے میرے سفر کو تکلیف دہ بنا دیا’۔’میں نے اسے بہتر طریقے سے سمجھنے کے لیے اپنے فون میں ریکارڈ کرنے کی بھی کوشش کی کیونکہ کیبن کی روشنی کم ہونے کی وجہ سے مجھے پتہ نہیں چل سکا ‘۔انہوں نے مزید کہا تھاکہ ‘روشنی کم تھی تو اس نے اور زیادہ غلط کرنا شروع کر دیا اور یہ پانچ سے دس منٹ تک چلتا رہا اور پھر مجھے اس کے بارے میں پورا یقین ہو گیا کہ وہ میرے کندھوں کو کہنی مار رہا تھا اور لگاتار اپنے پیر میری کمر اور گردن پر رگڑ رہا تھا’۔ خیال رہے کہ اداکارہ نے گزشتہ برس ہی یہ اعلان کردیا تھا کہ اب وہ اداکاری نہیں کرے گی۔

وٹس ایپ کے ذریعے خبریں اپنے موبائل پر حاصل کرنے کے لیے کلک کریں

تمام خبریں اپنے ای میل میں حاصل کرنے کے لیے اپنا ای میل لکھیے

اپنا تبصرہ بھیجیں