شبر زیدی کی طبیعت ٹھیک نہ ہوئی تو متبادل دیکھیں گے‘عبد الحفیظ شیخ

چیئرمین ایف بی آر کی واپسی کا فیصلہ ہم نے نہیں کرنا بلکہ ان کے ڈاکٹر کریں گے‘مشیر خزانہ
شبر زیدی میرے فیورٹ ہیں طبیعت خراب ہے اور وہ لمبی چھٹیوں پر ہیں‘میڈیا سے گفتگو
اسلام آباد (مانیٹرنگ ڈیسک)اگر شبر زیدی کی طبیعت بہتر نہ ہوئی تو متبادل دیکھیں گے ، اگر نیا چیئرمین تلاش کیا تو شبر زیدی کی مشاورت سے کریں گے۔ وزارت خزانہ کے باہر گفتگو کرتے ہوئے انہوں نے کہا چیئرمین ایف بی آر سید شبر زیدی کی ایف بی آر میں واپسی کا فیصلہ ہم نے نہیں کرنا بلکہ ان کے ڈاکٹر کریں گے۔ مشیر خزانہ نے کہا کہ شبر زیدی میرے فیورٹ ہیں۔ دوسری جانب چیئرمین ایف بی آر شبر زیدی نے عہدے سے مستعفی ہونے کی تردید کر دی۔چیئرمین ایف بی آر نے میڈیاسے گفتگو کرتے ہوئے کہا اپنے عہدے سے مستعفی نہیں ہواصحت کی خرابی کے باعث چھٹی پر ہوں ،فی الحال کام جاری نہیں رکھ سکتا۔انہوں نے مزید کہا کہ وزیر اعظم کی جانب سے دی جانیوالی ذمہ داری کو بہتر انداز میں نبھانے کی کوشش کروں گا بشرطیکہ صحت ٹھیک ہو۔

وٹس ایپ کے ذریعے خبریں اپنے موبائل پر حاصل کرنے کے لیے کلک کریں

تمام خبریں اپنے ای میل میں حاصل کرنے کے لیے اپنا ای میل لکھیے

اپنا تبصرہ بھیجیں