معروف گلوکار علی ظفر نے مداحوں کی جانب سے پاکستان سپر لیگ کیلئے اپنے طور پر گانا بنانے کی فرمائش پوری کرنے کیلئے گانے پر کام شروع کردیا ہے۔
مداحوں کی کوششیں رنگ لے آئیں، سوشل میڈیا پر پاکستان سپر لیگ فائیو کے گانے پر مداحوں کی تنقید کے بعد علی ظفر نے اپنے طور پر نیا گانا تیار کرنے کا اعلان کیا جس پر انہوں نے کام شروع کردیا ہے۔
مداحوں نے علی ظفر سے پی ایس ایل کا گانا بنانے کی فرمائش اس وقت شروع کی جب پی ایس ایل کی افتتاحی تقریب میں آفیشل گانا پورا نہ چلانے پر علی عظمت نے ایک انٹرویو دیا اورصورتحال کا ذمہ دار حریف گلوکاروں کو قرار دیا جب کہ اس الزام کے جواب میں علی ظفر نے سوشل میڈیا پر دلچسپ ویڈیو جاری کی۔
Zindagi me koi masla ho. #bhaeehazirhai pic.twitter.com/WgBzZgRo2u
— Ali Zafar (@AliZafarsays) February 21, 2020
جس کے بعد علی ظفر نے مداحوں کی جانب سے پاکستان سپر لیگ کیلئے اپنے طور پر گانا بنانے کی فرمائش پوری کرتے ہوئے اس گانے کا ٹیزز ’’بھائی آرہا ہے‘‘ اپنے ٹوئٹر اکاؤنٹ پر جاری کردیا جس کا مداحوں کو شدت سے انتظار ہے۔
Bhaee Aa Raha hai! #bhaeehazirhai pic.twitter.com/amrYUgt01O
— Ali Zafar (@AliZafarsays) February 23, 2020