ٹیلی گرام کے ذریعے خبریں اپنے موبائل پر حاصل کرنے کے لیے کلک کریں

القمرآن لائن کے ٹیلی گرام گروپ میں شامل ہوں اور تازہ ترین اپ ڈیٹس موبائل پر حاصل کریں

سجل علی اور احد رضا میر نکاح کے بندھن میں بندھ گئے

 لاہور: اداکار سجل علی اور احد رضا میر نکاح کے بندھن میں بندھ گئے، دونوں  نے ابوظہبی میں سادگی سے نکاح کیا۔

ایکسپریس کے مطابق اداکاروں سجل اور احد کے پرستاروں کا انتظار ختم ہوگیا کیونکہ ڈراموں کی شادی اب حقیقی شادی میں تبدیل ہوگئی ہے اور دونوں نے ابو ظہبی میں سادگی سے نکاح کیا ۔ سجل علی کا حق مہر 50 ہزار روپے مقرر کیا گیا۔

سوشل میڈیا پر احد اور سجل کے نکاح کی ویڈیوز تیزی سے وائرل ہورہی ہیں جس میں احد رضا میر کو کریم رنگ کی سادہ شیروانی اور سفید چوڑی دار پاجامے میں دیکھا گیا ہے۔

اداکار جوڑی کی نکاح کی تقریب کا انعقاد ابوظہبی میں ہوا جہاں ان کے چند قریبی رشتہ داروں اور دوستوں نے شرکت کی۔ دونوں کی جانب سے شادی کی تاریخ کا اعلان نہیں کیا گیا آج اداکار جوڑی نے خاموشی سے سادگی کے ساتھ نکاح کیا ہے۔

نکاح کے فورا بعد ہی اداکارہ سجل علی نے اپنے انسٹا گرام اکاؤنٹ پر نام تبدیل کرتے ہوئے سجل احد میر رکھ دیا ہے، سوشل میڈیا پر سجل اور احد کی جانب سے کوئی تصویر شیئر نہیں کی گئی اور ان کے چاہنے والے سجل کو عروسی لباس میں دیکھنے کے منتظر رہے، یاد رہے کہ چند روز قبل دونوں کی رسم حنا ادا کی گئی تھی۔

وٹس ایپ کے ذریعے خبریں اپنے موبائل پر حاصل کرنے کے لیے کلک کریں

تمام خبریں اپنے ای میل میں حاصل کرنے کے لیے اپنا ای میل لکھیے

اپنا تبصرہ بھیجیں