ملک میں علاقائی پروازیں جزوی بحال

ملک بھر میں کورونا وائرس کا پھیلاؤ ہونے کے باعث نافذالعمل لاک ڈاؤن کی وجہ سے قریباً ڈیڑھ ماہ بعد فضائی آپریشن جزوی طور پر بحال ہوگیا ہے۔ نجی ٹی وی کی رپورٹ کے مطابق پاکستان انٹرنیشنل ایئرلائن اور نجی ایئرلائنز نے مخصوص شہروں کے لیے فضائی آپریشن بحال کردیا ہے، پی آئی اے کی پہلی پرواز کراچی سے لاہور کے لئے 84 مسافروں کو لے کر روانہ ہوئی جب کہ پرائیویٹ ایئرلائن کی پروازیں بھی آج مسافروں کو لے کر روانہ ہوں گی۔

تفصیلات کے مطابق وفاقی حکومت نے اندرون ملک پروازوں کو آج سے چلانے کی اجازت دی ہے جبکہ بیرون ملک پروازوں پر پابندی میں 31 مئی تک توسیع کی ہے ۔ ابتدائی طور پر کراچی ، لاہور، اسلام آباد ، پشاور اور کوئٹہ سے پروازیں آپریٹ کرنے کی اجازت دی گئی ہے ۔

دوسری جانب ایوی ایشن ڈویژن کی جانب سے پروازوں کی اچانک اجازت دیے جانے پر فضائی کمپنیوں نے پریشانی کا اظہار کرتے ہوئے کہا ہے کہ فوری طور پر پروازیں چلانا انتہائی مشکل ہے کیوں کہ چند گھنٹوں میںطیارے کی تمام نشستیں فروخت کرنا بہت مشکل ہے ۔

وٹس ایپ کے ذریعے خبریں اپنے موبائل پر حاصل کرنے کے لیے کلک کریں

تمام خبریں اپنے ای میل میں حاصل کرنے کے لیے اپنا ای میل لکھیے

اپنا تبصرہ بھیجیں