ٹیلی گرام کے ذریعے خبریں اپنے موبائل پر حاصل کرنے کے لیے کلک کریں

القمرآن لائن کے ٹیلی گرام گروپ میں شامل ہوں اور تازہ ترین اپ ڈیٹس موبائل پر حاصل کریں

پائلٹس کی عالمی تنظیم نے طیارہ حادثے کی تحقیقات کے لئے خدمات پیش کردیں  

 کراچی: انٹرنیشنل فیڈریشن ایئرلائن پائلٹ ایسوسی ایشن نے کراچی طیارہ حادثے کی تحقیقات کے لئے اپنی خدمات پیش کردی ہیں۔

انٹرنیشنل فیڈریشن ایئرلائن پائلٹ ایسوسی ایشن نے تحقیقاتی ٹیم کے سربراہ ایئر کموڈور عثمان غنی کو خط لکھا ہے جس میں کراچی میں گر کر تباہ ہونے والے پی آئی اے طیارہ کی تحقیقات کے لئے خدمات پیش کی گئی ہیں، صدر انٹرنیشنل پائلٹس ایسوسی ایشن کا کہنا ہے کہ پی آئی اے طیارہ حادثے کی تحقیقات میں بطور ایکسپرٹ شامل ہونا چاہتے ہیں۔

دوسری جانب ذرائع کا کہنا ہے کہ پی آئی اے طیارہ حادثے کی تحقیقات کا عمل جاری ہے، تحقیقاتی ٹیم آج بھی جائے حادثہ پر مختلف زاویوں سے تحقیقات کررہی ہے، پی آئی اے کی سیفٹی ٹیم کے سربراہ کیپٹن عامر آفتاب بھی ٹیم کے ہمراہ جائے حادثہ پر موجود ہیں۔

ذرائع کا کہنا ہے کہ تحقیقاتی ٹیم کی جانب سے تباہ شدہ جہاز کا وائس ڈیٹا ریکارڈر تلاش کیا جارہا ہے، ایئربس 320 جہاز کا بلیک باکس ابتداء میں ہی مل چکا تھا، بلیک باکس اور وائس ڈیٹا ریکارڈر فرانسیسی ٹیم اپنے ہمراہ ڈی کوڈ کرنے لے جائے گی۔

وٹس ایپ کے ذریعے خبریں اپنے موبائل پر حاصل کرنے کے لیے کلک کریں

تمام خبریں اپنے ای میل میں حاصل کرنے کے لیے اپنا ای میل لکھیے

اپنا تبصرہ بھیجیں