ڈونلڈ ٹرمپ نے جوبائیڈن کو نااہل قرار دے دیا

واشنگٹن: امریکی صدر ڈونلڈ ٹرمپ نے کہا ہے کہ جوبائیڈن ایسے ظاہر کر رہے ہیں کہ انہیں ہر مسئلے کا حل پتہ ہے جبکہ انہیں کچھ نہیں پتہ۔
غیر ملکی نیوز ایجنسی کے مطابق ڈونلڈ ٹرمپ نے اپنے حریف جوبائیڈن کو سخت تنقید کا نشانہ بناتے ہوئے کہا کہ انہوں نے 40 سال سے امریکی عوام کیلئے کچھ نہیں کیا ہے۔
انہوں نے کہا کہ وہ اپنے سیاسی حربوں سے یہ ظاہر کرنے کی کوشش کررہے ہیں کہ جیسے انہیں سب مسئلوں کا حل پتہ ہے۔
 صدر کا مزید کہنا تھا کہ جوبائیڈن ہمیشہ سے کمزور رہے ہیں اور ان کی انہی کمزوری کی وجہ سے لٹیروں اور شر پسند عناصر کو سر اٹھانے کا موقع ملا ہے۔

واضح رہے کہ جوبائیڈن حالیہ امریکی صدارتی انتخابات میں امیدوار کی حیثیت سے الیکشن میں کھڑے ہوئے ہیں جبکہ باراک اوباما کے دور میں وہ نائب صدر کے عہدے پر بھی رہ چکے ہیں۔

وٹس ایپ کے ذریعے خبریں اپنے موبائل پر حاصل کرنے کے لیے کلک کریں

تمام خبریں اپنے ای میل میں حاصل کرنے کے لیے اپنا ای میل لکھیے

اپنا تبصرہ بھیجیں