اسٹیل ملز سے ملازمین کو نکالنے کا معاملہ سپریم کورٹ پہنچ گیا

اسلا م آباد:سپریم کورٹ نے پاکستان اسٹیل مل سے ملازمین کو نکالنے کا کیس سماعت کیلئے مقرر کردیا۔

میڈیا رپورٹس کے مطابق چیف جسٹس آف پاکستان گلزار احمد کی سربراہی میں،جسٹس اعجاز الااحسن اور جسٹس مظاہر علی نقوی  پر مشتمل تین رکنی بینچ 9 جون کو کیس کی سماعت کرے گا، اس ضمن میں رجسٹرار  آفس  نے  پاکستان اسٹیل ملز انتظامیہ سمیت دیگر فریقین کو پیشی کے نوٹسز جاری کردیے۔

خیال رہے کہ گزشتہ دنوں اقتصادی رابطہ کمیٹی (ای سی سی) نے پاکستان اسٹیل ملز کے 9100 ملازمین کو گولڈن ہینڈ شیک دے کر  برطرف کرنے کی منظوری دی تھی ۔

وفاقی وزیر برائے صنعت و پیداوار حماد اظہر کا کہنا ہے کہ اسٹیل مل ملازمین کو پیکج کے تحت اوسطاً 23 لاکھ فی ملازم ملیں گے۔

وٹس ایپ کے ذریعے خبریں اپنے موبائل پر حاصل کرنے کے لیے کلک کریں

تمام خبریں اپنے ای میل میں حاصل کرنے کے لیے اپنا ای میل لکھیے

اپنا تبصرہ بھیجیں