راجن پور‘ دہشت گردی کامنصوبہ ناکام ‘5دہشت گرد ہلاک

راجن پور(صباح نیوز)راجن پور میں سی ٹی ڈی نے دہشت گردی کامنصوبہ ناکام بناتے ہوئے 5دہشت گرد ہلاک کردیے، بم اور بھاری اسلحہ برآمد کرلیاگیا، دہشت گردوں کی لاشیں ڈسٹرکٹ اسپتال منتقل کردی گئیں۔گزشتہ روز عربی ٹبہ میں سی ٹی ڈی کی کارروائی کے نتیجے میں 5 دہشت گرد ہلاک ہوگئے۔ راجن پور علاقے عربی ٹبہ میں کاونٹر ٹیررازم ڈیپارٹمنٹ کے
اہلکاروں نے دہشت گردوں کی موجودگی کی اطلاع پر کارروائی کی، کارروائی کے دوران 5 دہشت گرد ہلاک ہوگئے۔سی ٹی ڈی حکام کا کہنا ہے کہ ہلاک دہشت گردوں سے 10 سے 15 کلو وزنی بم اور بھاری اسلحہ برآمد ہوا ہے۔ دہشت گردوں کی لاشیں ڈسٹرکٹ اسپتال منتقل کردی گئی ہیں جہاں ان کی شناخت سمیت دیگر ضابطے کی کارروائی جاری ہے۔

وٹس ایپ کے ذریعے خبریں اپنے موبائل پر حاصل کرنے کے لیے کلک کریں

تمام خبریں اپنے ای میل میں حاصل کرنے کے لیے اپنا ای میل لکھیے

اپنا تبصرہ بھیجیں