ملک بھر میں عیدالاضحیٰ مذہبی جوش و جذبے سے منائی جا رہی ہے

ملک بھر میں آج عید الاضحٰی مذہبی جوش و جذبے سے منائی جا رہی ہے۔کورونا وبا کے دوران احتیاطی تدابیر کے تحت شہری ایس او پیز پر عملدرآمد کرتے ہوئے سنت ابراہیمی کی پیروری میں اللہ کی راہ میں جانور قربان کررہے ہیں۔

 ملک کے چھوٹے بڑے شہروں اور قصبوں میں نماز عید کے ہزاروں اجتماعات ہوئے ۔ جس کے بعد لاکھوں فرزندان اسلام نے ملک کی سلامتی ، خوشحالی اور امن و امان کے خصوصی دعائیں کیں۔ نمازعید کی ادائیگی کے بعد فرزندان اسلام حضرت ابراہیم علیہ اسلام کی سنت کی پیروی کرتے ہوئے جانوروں کی قربانی کر رہے ہیں ۔

وفاقی دارالحکومت اسلام آباد میں نماز عید کا مرکزی اجتماع فیصل مسجد میں ہوا ۔ جہاں ہزاروں مسلمانان پاکستان نے نمازعید کے بعد ملک کی خوشحالی اور امن اور ترقی کے لئے خصوصی دعائیں کی ۔

صوبائی دارالحکومت لاہور سمیت دیگر شہروں کی مساجد اور کھلے مقامات پر نماز عید کے ہزاروں اجتماعات ہوئے ، جس میں علماء کرام حضرت ابراہیم علیہ السلام کی عظیم قربانی پر روشنی ڈالی۔ نماز کی ادائیگی کے بعد ملک و قوم کی ترقی و خوشحالی ، سلامتی اور دہشتگردی سے نجات کے لئے خصوصی دعائیں مانگی گئیں۔ نماز عید کا سب سے بڑا اجتماع بادشاہی مسجد میں ہوا ۔

کراچی سمیت صوبہ سندھ کے دیگر شہروں کی مساجد ، امام بارگاہوں اور کھلے مقامات پر نمازعید کے ہزاروں اجتماعات ہوئے ۔ علماء کرام نے قربانی کی عظمت اور فلسفہ قربانی پر روشنی ڈالی ۔ نماز عید کے بعد ملک کی سلامتی ، کراچی شہر میں امن کے قیام اور دہشتگردی سے مکمل نجات کے لئے اللہ کے حضور خصوصی دعائیں کی گئیں۔

ملک بھر میں نماز عید کے موقع پر مساجد اور امام بارگاہوں پر کسی بھی ناخوشگوار واقعے سے نمٹنے کے لئےسیکورٹی کے خصوصی انتظامات کیے گئے تھے پولیس کے ساتھ رینجرز اور ایف سی کے ہزاروں جوان تعینات تھے۔ نماز عید کی ادائیگی کے بعد فرزندان توحید سنت ابراہیمی کی پیروی کرتے ہوئے جانوروں کی قربانی کررہے ہیں۔

وٹس ایپ کے ذریعے خبریں اپنے موبائل پر حاصل کرنے کے لیے کلک کریں

تمام خبریں اپنے ای میل میں حاصل کرنے کے لیے اپنا ای میل لکھیے

اپنا تبصرہ بھیجیں