احسان مانی کا عہدے کی مدت میں توسیع لینے سے انکار

 

کراچی(اسٹاف رپورٹر)پاکستان کرکٹ بورڈ کے چیئرمین احسان مانی نے اس بات کی تصدیق کردی ہے کہ وہ اپنی مدت ختم کر کے گھر چلے جائیںگے البتہ انہیں معاہدے میں توسیع کے لیے آمادہ کرنیکی کوششیں جاری ہیں، مدت ملازمت کے دوران اپنے تمام منصوبوں کو پایہ تکمیل تک پہنچانا چاہتا ہوں ۔ میڈیا کی جانب سے احسان مانی سے رابطہ کرنے پر انکا کہنا تھا کہ میرا تقرر 3سال کیلئے ہوا ہے اور ابھی ایک سال باقی ہے۔پاکستان کرکٹ کی خدمت کیلئے یہاں موجود ہوں۔ابھی میرے پاس12ماہ کا وقت باقی ہے۔ 75سالہ احسان مانی کے قریبی ذرائع کا کہنا ہے کہ احسان مانی اپنی اہلیہ کے ساتھ لاہور کے پوش علاقے کے فلیٹ میں رہائش پذیر ہیں تاہم وہ آئندہ سال ستمبر میں 3سال مکمل ہونے کے بعد دوبارہ لندن میں واقع اپنے گھر میں شفٹ ہونیکا ارادہ رکھتے ہیں۔انہوں نے اپنے قریبی لوگوں سے اس بات کا اظہار کیا ہے کہ وہ پی سی بی چیئرمین کی حیثیت سے معاہدے میں توسیع لینے کا کوئی ارادہ نہیں رکھتے۔

وٹس ایپ کے ذریعے خبریں اپنے موبائل پر حاصل کرنے کے لیے کلک کریں

تمام خبریں اپنے ای میل میں حاصل کرنے کے لیے اپنا ای میل لکھیے

اپنا تبصرہ بھیجیں