نامور لبنانی فٹبالر زندگی کی بازی ہار گئے

گولی لگنے سے زخمی ہونے والے لبنان کے نامور فٹبالر محمد اطوی موت سے لڑتے لڑتے زندگی کی بازی ہار گئے۔

بین الاقوامی میڈیا رپورٹس کے مطابق 32 سالہ فٹبالر گزشتہ ماہ سر میں گولی لگنے سے شدید زخمی ہوگئے تھے اور کئی روز سے انتہائی نگہداشت وارڈ میں زندگی اور موت کی کشمکش میں مبتلا تھے۔

محمد اطوی کے سر میں اس وقت گولی لگی جب کہ وہ بیروت دھماکے کے متاثرہ فیملی سے ملاقات کے بعد سڑک سے گزر رہے تھے کہ نامعلوم سمت سے آنے والی اندھی گولی کا نشانہ بن گئے۔

انہیں 3 بار قومی ٹیم کا کپتان رہنے کا اعزاز بھی حاصل ہے وہ متعدد لبنانی کلبز سے وابستہ رہے اور کئی ایونٹس میں اپنی ٹیم کو فتوحات سے ہمکنار کیا۔

محمد اطوی بیروت کے انصر کی جانب سے 3 بار نیشنل لیگ کا ٹائٹل جیتنے میں بھی کامیاب ہوئے، وہ بہترین مڈفیلڈر تھے اور ٹیم کی کامیابیوں میں ان کا کلیدی کردار رہا ہے۔

وٹس ایپ کے ذریعے خبریں اپنے موبائل پر حاصل کرنے کے لیے کلک کریں

تمام خبریں اپنے ای میل میں حاصل کرنے کے لیے اپنا ای میل لکھیے

اپنا تبصرہ بھیجیں