لداخ کے 38 ہزارمربع کلو میٹر رقبے پر چینی قبضے کا بھارتی اعتراف

نئی دہلی (آن لائن)بھارتی وزیر دفاع راجناتھ سنگھ نے پارلیمان میں اعتراف کیا ہے کہ لداخ میں چین، بھارت کی تقریبا ً38 ہزار مربع کلومیٹر کی زمین پر قبضہ کیے ہوئے ہے۔ بھارتی ریاست اروناچل پردیش کے بھی 90 ہزار مربع کلومیٹر پر چین اپنا دعویٰ کرتا ہے،بھارت کو سخت چیلنج کا سامنا ہے تاہم ہم کسی بڑے اور سخت قدم اٹھانے سے گریز نہیں کریں گے۔ سابق وزیر دفاع اے کے انٹونی نے جب یہ سوال پوچھا کہ کہ وادی گلوان تو ماضی میں کبھی بھی متناع علاقہ نہیں تھا اور بھارتی فوجی وہاں پیٹرولنگ کیا کرتے تھے۔ آخر وہاں ہمارے فوجیوں کو اب پیٹرولنگ کی اجازت کیوں نہیں ہے؟ اسی طرح بھارتی فوج پیونگانگ جھیل میں فنگر آٹھ تک گشت کرتی تھی تو پھر اب اسے فنگر4 تک محدود کیوں کر دیا گیا ہے؟اس پر راجناتھ سنگھ کوئی واضح وضاحت نہ کر سکے۔

وٹس ایپ کے ذریعے خبریں اپنے موبائل پر حاصل کرنے کے لیے کلک کریں

تمام خبریں اپنے ای میل میں حاصل کرنے کے لیے اپنا ای میل لکھیے

اپنا تبصرہ بھیجیں