محکمہ ڈاک سے پنشن نظام ختم کرکے بینکوں کودینے کا فیصلہ

راولپنڈی: پاکستان پوسٹ نے محکمہ ڈاک سے پنشن نظام مکمل ختم کر کے بینکوں کے حوالے کرنے کا فیصلہ کیا ہے۔ نجی ٹی وی کی رپورٹ کے مطابق اس فیصلے پر مرحلہ وار عملدرآمد ہوگا جس کا باقاعدہ آغاز نئے سال 2021 سے کیا جا رہا ہے ، فیٹف کی شرائط پر عملدرآمد کرتے ہوئے پاکستان پوسٹ نے پہلے مرحلے میں اسپیشل سیونگ اکاؤنٹس اور آرڈنری سیونگ اکاؤنٹس کھولنے پر ایک ماہ قبل پابندی لگائی تھی، اب پرانے اسپیشل اور آرڈنری سیونگ اکاؤنٹس بھی مرحلہ وار ختم کرنے کا پراسس شروع کر دیا گیا ہے۔

تفصیلات کے مطابق ری اسٹرکچرنگ تک نئی بھرتیاں نہیں کی جائیں گی ، نقصان میں جانے والے تمام ڈاک خانے مرحلہ وار بند ہوں گے اور ان کے سرپلس عملے اور افسران کو دیگر خالی سیٹوں پر تعینات کیا جائے گا ۔

وٹس ایپ کے ذریعے خبریں اپنے موبائل پر حاصل کرنے کے لیے کلک کریں

تمام خبریں اپنے ای میل میں حاصل کرنے کے لیے اپنا ای میل لکھیے

اپنا تبصرہ بھیجیں