ٹیلی گرام کے ذریعے خبریں اپنے موبائل پر حاصل کرنے کے لیے کلک کریں

القمرآن لائن کے ٹیلی گرام گروپ میں شامل ہوں اور تازہ ترین اپ ڈیٹس موبائل پر حاصل کریں

خواجہ آصف 10 روزہ جسمانی ریمانڈ پر نیب کے حوالے

آمدن سے زائد اثاثہ جات کیس میں احتساب عدالت نے مسلم لیگ نون کے رہنما خواجہ آصف کو 10 روزہ جسمانی ریمانڈ پر نیب کے حوالے کر دیا۔ نجی ٹی وی کی رپورٹ کے مطابق احتساب عدالت کے ایڈمن جج جواد الحسن نے خواجہ آصف کے جسمانی ریمانڈ پر فیصلہ سناتے ہوئے انہیں 22 جنوری تک جسمانی ریمانڈ پر نیب کے حوالے کر دیا۔

تفصیلات کے مطابق خواجہ آصف کے وکیل نے موقف اختیار کیا کہ نیب پنڈی کو باقاعدہ تمام سوالات کا جواب دے چکے ہیں، کاروبار کرنا قانونی طور پر ہر شخص کا حق ہے، قانون اجازت دیتا ہے، نیب کی جانب سے سیاسی کیس بنایا گیا ہے۔

انہوں نے عدالت سے استدعا کی کہ جوڈیشل ریمانڈ پر خواجہ آصف کو جیل بھیجنے کا حکم دیا جائے تاہم عدالت نے انہیں جسمانی ریمانڈ پر نیب کے حوالے کر دیا۔

عدالت نے نیب کو نون لیگی رہنما کو 22 جنوری کو دوبارہ پیش کرنے کا حکم دیا۔

وٹس ایپ کے ذریعے خبریں اپنے موبائل پر حاصل کرنے کے لیے کلک کریں

تمام خبریں اپنے ای میل میں حاصل کرنے کے لیے اپنا ای میل لکھیے

اپنا تبصرہ بھیجیں