ٹیلی گرام کے ذریعے خبریں اپنے موبائل پر حاصل کرنے کے لیے کلک کریں

القمرآن لائن کے ٹیلی گرام گروپ میں شامل ہوں اور تازہ ترین اپ ڈیٹس موبائل پر حاصل کریں

وفاقی اردو یونیورسٹی میں جدید ٹیکنالوجی پر ورکشاپ

نظام تعلیم اور نصاب کو جدید دور کے تقاضوں سے ہم آہنگ ہونا بہت ضروری ہے‘ پروفیسر ڈاکٹر محمد زاہد و دیگر کا خطاب
کراچی(اسٹاف رپورٹر)وفاقی اردو یونیورسٹی، شعبہ کمپیوٹر سائنس و آئی ٹی کے تحت “عصر ِ حاضر کی جدید ٹیکنالوجی” (Internet Of Things)کے موضوع پر ورکشاپ کا انعقاد کیا گیا۔ جس سے رجسٹرار ڈاکٹر محمد صارم نے خطاب کرتے ہوئے کہا کہ مستقبل کے اچھے معمار بنانے کیلئے نظامِ تعلیم اور نصاب کو جدید دور کے تقاضوں سے ہم آہنگ ہونا بہت ضروری ہے۔ انہوں نے اس طرح کے مزید ورکشاپ کرانے پر زور دیا۔ ورکشاپ سے رئیس کلیہ سائنس پروفیسر ڈاکٹر محمد زاہد، صدر ِ شعبہ ڈاکٹر فرحان شفیق اور کاشف رفعت نے بھی خطاب کیا۔ پروفیسر ڈاکٹر محمد ز اہد نے کہا کہ موجودہ دور کمپیوٹر کا دور ہے اور آج اس تیز رفتار دور میں طلباء و طالبات کو جدید علوم سے ر وشناس کرانا وقت کااہم تقاضہ ہے۔ ڈاکٹر فرحان شفیق نے کہا کہ درس و تدریس کے ساتھ عصر ِ حاضر کے جدید ٹیکنالوجی سے آگاہی رکھنا انتہائی ضروری ہے اور یہ ورکشاپ اسی سلسلے کی ایک کڑی ہے۔ انہوں نے کہا کہ شعبہ کمپیوٹر سائنس اپنے طلبہ کیلئے اس طرح کے مفید سیمینارز اور ورکشاپ منعقد کراتا رہے گا تاکہ انفارمیشن ٹیکناوجی کے اس دور میں ہم کسی سے پیچھے نہ رہیں۔ ورکشاپ میں جامعہ اردو کمپیوٹر سائنس کے علاوہ دیگر جامعات کے طلباء و طالبات نے بھی شرکت کی۔ پروگرام کے اختتام پر ڈاکٹر فرحان شفیق نے مہمانوں، طلبہ کا ورکشاپ میں شرکت پر شکریہ ادا کیا اورسی ایس 3 وفاقی اردو یونیورسٹی کے ارکان کی کوشش کو سراہا۔

وٹس ایپ کے ذریعے خبریں اپنے موبائل پر حاصل کرنے کے لیے کلک کریں

تمام خبریں اپنے ای میل میں حاصل کرنے کے لیے اپنا ای میل لکھیے

اپنا تبصرہ بھیجیں