ٹیلی گرام کے ذریعے خبریں اپنے موبائل پر حاصل کرنے کے لیے کلک کریں

القمرآن لائن کے ٹیلی گرام گروپ میں شامل ہوں اور تازہ ترین اپ ڈیٹس موبائل پر حاصل کریں

دھڑا دھڑ ٹینڈرز طلب ضلع غربی کو مزید قرض میں ڈبونے کی سازش پکڑی گئی

سابقہ ادائیگیاں کئے بغیر 64 نئے کاموں کے ٹینڈرز طلب کرکے ٹھیکیداروں کو قربانی کا بکرا بنانے کی کوشش کی جارہی ہیں
شہری حلقوں اور سینئر کنٹریکٹرز میں سخت تشویش پھیل گئی، سندھ حکومت کے اعلیٰ حکام سمیت تحقیقاتی اداروں سے نوٹس لینے کا مطالبہ کردیا
کراچی(وقا ئع نگار خصوصی)کروڑوں کے مقروض ضلع غربی میں مزید کروڑوں لاگت کے ٹینڈرز طلب کئے جانے پر شہری حلقوں اور سینئر کنٹریکٹرز میں سخت تشویش پھیل گئی، کراچی کنٹریکٹرز ایسوسی ایشن نے سابقہ ادائیگیاں کئے بغیر64 نئے کاموں کے ٹینڈرز طلب کئے جانے کو خلاف قانون اور اسے الیکشن این آئی ٹی قرار دیدیا ہے،فنڈز کی عدم موجودگی کے باوجود ٹینڈرز کر کے بھاری کمیشن وصولی کا بازار گرم کردیا گیا۔تفصیلات کے مطابق بلدیہ ضلع غربی پرٹھیکیداروں کے کروڑوںروپے واجب الادا ہیں اور ترقیاتی کام کرنے والے ٹھیکیدار اپنی ادائیگیاں نہ ہونے کے باعث در در کی ٹھوکریں کھانے پر مجبور ہیں،موجودہ صورتحال کے باوجود ضلع غربی کے حکام نے سابقہ ٹھیکیداروں کو ادائیگیاں کرنے کے بجائے کروڑوں لاگت کے 64مزید نئے ٹینڈرز طلب کئے تھے جنہیں مبینہ طور پر من پسند ٹھیکیداروں میں تقسیم بھی کردیا گیا ہے،ذرائع کا کہنا ہے کہ ضلع غربی میں کام کرنے والے درجنوں ٹھیکیدار اپنے بلز کی ادائیگی کیلئے افسران کے سامنے بلیک میل ہوتے ہوئے منہ مانگا کمیشن دینے پر بھی مجبور ہیں۔کراچی کنٹریکٹرز ایسوسی ایشن کے جنرل سیکریٹری عبدالرحمن،انفارمیشن سیکریٹری سعید مغل کا کہنا ہے کہ سندھ حکومت نے واضح احکامات جاری کررکھے ہیں کہ جب تک فنڈز موجود نہ ہو کوئی نئی این آئی ٹی طلب نہ کی جائے لیکن اس کے باوجود کھلے عام ضلعی بلدیاتی اداروں میں دھڑا دھڑ ٹینڈر زکر کے اداروں کو قرض میں ڈبونے کی سازش کی جارہی ہے،عبدالرحمن نے مذکورہ ٹھیکوں کو الیکشن این آئی ٹی قرار دیا ہے ،جنرل سیکریٹری عبدالرحمن کا مزید کہنا ہے کہ فنڈزنہ ہونے کے باوجودٹینڈرز کر کے ایک مرتبہ پھر ٹھیکیداروں کو قربانی کا بکرا بنانے کی کوشش کی جارہی ہے۔

وٹس ایپ کے ذریعے خبریں اپنے موبائل پر حاصل کرنے کے لیے کلک کریں

تمام خبریں اپنے ای میل میں حاصل کرنے کے لیے اپنا ای میل لکھیے

اپنا تبصرہ بھیجیں