ٹیلی گرام کے ذریعے خبریں اپنے موبائل پر حاصل کرنے کے لیے کلک کریں

القمرآن لائن کے ٹیلی گرام گروپ میں شامل ہوں اور تازہ ترین اپ ڈیٹس موبائل پر حاصل کریں

10 ارب 66 کروڑ کی زمین پاکستان اسٹیل مل کو واپس

اسلام آباد (مانیٹرنگ ڈیسک) جعلی اکائونٹس کے سندھ حکومت اور پاکستان اسٹیل مل اراضی کی غیرقانونی الاٹمنٹ کیس میں 7 ملزمان نے پلی بارگیننگ کرلی۔ گزشتہ روز نیب حکام نے ملزمان حماد شاہد، عبدالغنی، طارق بیگ، محمد اقبال، محمد توصیف، عامر اور سراج شاہد کو احتساب عدالت کے جج محمد بشیر کی عدالت میں پیش کرتے ہوئے بتایا کہ تفتیشی افسر احمد بن زاہد کی جانب سے ملزمان کا بیان ریکارڈ کروایا جارہا ہے، تفتیشی افسر نے عدالت کو بتایا کہ ملزم طارق بیگ نے 33، محمد اقبال نے 32 ایکڑ زمین واپس کی، ملزم عامر نے 40، سراج شاہد نے 50 ایکڑ زمین واپس کی، ملزم عبدالغنی سے 37 ایکڑ، حامد شاہد سے 34 ایکڑ زمین واپس لی گئی۔ 10 ارب 66 کروڑ روپے کی زمین پاکستان اسٹیل مل کو واپس دلوا دی گئی ہے جبکہ سات ملزمان سے ریکور کی گئی زمین بھی اسٹیل مل کو واپس دے دی گئی عدالت کو یہ بھی بتایا گیا کہ ایک ملزم کو وعدہ معاف گواہ بھی بنایا گیا ہے۔

وٹس ایپ کے ذریعے خبریں اپنے موبائل پر حاصل کرنے کے لیے کلک کریں

تمام خبریں اپنے ای میل میں حاصل کرنے کے لیے اپنا ای میل لکھیے

اپنا تبصرہ بھیجیں