ٹیلی گرام کے ذریعے خبریں اپنے موبائل پر حاصل کرنے کے لیے کلک کریں

القمرآن لائن کے ٹیلی گرام گروپ میں شامل ہوں اور تازہ ترین اپ ڈیٹس موبائل پر حاصل کریں

شرح سود میں ردوبدل کرکے قومی خزانے کو 1 ہزار ارب کا نقصان پہنچایا گیا، بلاول

چیئرمین پی پی پی بلاول بھٹو زرداری نے پی ٹی آئی کے بجٹ کو
سیاسی قرار دیتے ہوئے کہا ہے کہ پاکستان پیپلزپارٹی سلیکٹڈ حکومت کے سلیکٹڈ بجٹ کو ماننے سے انکار کرتی ہے۔
بلاول بھٹو نے اپنے ایک بیان میں کہا کہ عمران خان کی حکومت نے صرف
شرح سود میں ردوبدل کرکے قومی خزانے کو ایک ہزار ارب روپے تک کا نقصان پہنچایا ہے،
عمران خان نے مخصوص سرمایہ داروں کے دو ارب ڈالر بیرون ملک سے منگوائے
اور شرح سود 13.25 فیصد مقرر کرکے اپنے دوستوں کو فائدہ پہنچا کر پیسے واپس کردئیے۔

چیئرمین بلاول بھٹو زرداری نے وزیراعظم سے سوال کیا کہ عمران خان بتائیں کہ یہ
دو ارب ڈالر کن سرمایہ دار دوستوں کے تھے جن کو فائدہ پہنچانے کے لئے
قومی خزانے کو 300 ارب روپے کا نقصان پہنچایا گیا،

آئی ایم ایف نے شرح سود 12 فیصد تک رکھنے کا کہا تھا اور
عمران خان کی حکومت نے اس کو 13.25 فیصد بڑھا کر چند سرمایہ داروں کو فائدہ پہنچایا
جبکہ پاکستان انوسٹمنٹ بونڈز کی شرح سود اچانک تبدیل کرکے عمران خان کی حکومت نے
چند مخصوص سرمایہ داروں کو 700 ارب روپے تک کا فائدہ پہنچایا۔

بلاول بھٹو زرداری کے مطابق پاکستان انوسٹمنٹ بونڈ کے 700 ارب روپے
اور دو ارب ڈالر پر 300 ارب روپے یعنی مجموعی طور پر ایک ہزار ارب روپے کی عمران خان کی چوری پکڑی گئی ہے،
قومی خزانے پر ڈاکہ مارنے والے عمران خان اور ان کے ساتھیوں کو ملک سے بھاگنے نہیں دیا جائے گا
اور میگا کرپشن سکینڈل کے ایک ایک روپے کا حساب لیں گے ۔

No associated posts.

وٹس ایپ کے ذریعے خبریں اپنے موبائل پر حاصل کرنے کے لیے کلک کریں

تمام خبریں اپنے ای میل میں حاصل کرنے کے لیے اپنا ای میل لکھیے

اپنا تبصرہ بھیجیں