ٹیلی گرام کے ذریعے خبریں اپنے موبائل پر حاصل کرنے کے لیے کلک کریں

القمرآن لائن کے ٹیلی گرام گروپ میں شامل ہوں اور تازہ ترین اپ ڈیٹس موبائل پر حاصل کریں

کویتی اینکر کا اسرائیل کی حمایت میں بیان، عوام مشتعل

کویت کی متنازعہ مصنف اور ٹی وی میزبان فجر السعید کے اسرائیلی ٹی وی چینل پر نمودار ہونے اور اسرائیل کے ساتھ تعلقات معمول پر لانے کی حمایت نے سوشل میڈیا پر غم و غصے کی لہر دوڑا دی ہے۔

گذشتہ روز کے این 11 اسرائیلی ٹی وی پر فجر السعید کا انٹرویو نشر ہوا جس میں انہوں نے کویت کی خاموش اکثریت کی نمائندہ ہونے کا دعویٰ کیا جو اسرائیل سے تعلقات بحال کرنا چاہتے ہیں۔ انہوں نے مزید کہا کہ وہ اسرائیل کی بہت بڑی حمایتی ہیں۔ ہیں۔ .

السعید نے اسرائیلی رکن کینیٹ عباس منصور پر ریمارکس دیئے جنہوں نے حال ہی میں اسرائیل کے طویل ترین خدمت گزار وزیر اعظم بنیامین نیتن یاہو کو اقتدار سے ہٹانے کی کوشش میں اسرائیلی اتحاد کا حصہ بنے ہیں۔ فجر السعید نے کہا کہ وہ عباس کو نہیں پہچانتیں کیونکہ وہ عملی ، فکری اور نظریاتی طور پر اخوان المسلمون کی تحریک سے وابستہ ہیں۔ (خیال رہے اخوان المسلمون عباس منصور سے کسی بھی قسم کے تعلق کی تردید کرچکی ہے۔)

47 سالہ عباس منصور اسرائیل میں اسلامی تحریک کے نائب چیئرمین ہیں جو اسرائیلی انتخابات کا حصہ بننے کیلئے شیخ راہد صلاح کی سربراہی میں تحریک کی شمالی شاخ سے 1995 میں الگ ہوگئے تھے۔ انہوں نے رعام پارٹی قائم کی جسے متحدہ عرب کی فہرست (United Arab List) کے نام سے بھی جانا جاتا ہے۔

The post کویتی اینکر کا اسرائیل کی حمایت میں بیان، عوام مشتعل appeared first on Daily Jasarat News.

وٹس ایپ کے ذریعے خبریں اپنے موبائل پر حاصل کرنے کے لیے کلک کریں

تمام خبریں اپنے ای میل میں حاصل کرنے کے لیے اپنا ای میل لکھیے

اپنا تبصرہ بھیجیں