ٹیلی گرام کے ذریعے خبریں اپنے موبائل پر حاصل کرنے کے لیے کلک کریں

القمرآن لائن کے ٹیلی گرام گروپ میں شامل ہوں اور تازہ ترین اپ ڈیٹس موبائل پر حاصل کریں

سعودی عرب کی بیرون ملک جانے والوں پر نئی شرط عائد

سعودی عرب نے بیرون ملک جانے کے لیے کورونا ویکسین کی دونوں خوراکیں لینے کی شرط کا ‏اعلان کر دیا۔

عرب میڈیا کے مطابق وزارت داخلہ نے کہا ہے کہ مملکت سے باہر جاتے ہوئے ہر شہری کے لیے ‏ویکسین کی دونوں خوراکیں لینا لازمی ہو گا۔

وزارت داخلہ کے عہدیدار کا کہنا ہے کہ یکم محرم 9 اگست سے کسی بھی شہری کی بیرون ملک ‏روانگی کورونا کی دو ویکسین سے مشروط ہو گی۔

مقررہ تاریخ کے بعد اس وقت تک کوئی بھی شہری بیرون ملک نہیں جا سکے گا جب تک ویکسین ‏کی دونوں خوراکیں نہ لے لی جائیں۔

بیان کے مطابق اس پابندی سے12 برس سے کم عمر بچوں کو مسثنی قرار دیا گیا ہے بشرطیکہ سفر ‏سے قبل سعودی سینٹرل بینک سے منظور شدہ میڈیکل انشورنس پالیسی پیش کریں جس میں ‏کورونا سے خطرات کو کور کیا گیا ہو۔

رجمان وزارت داخلہ کرنل طلال الشلھوب نے اعلان کیا کہ یکم اگست سے ‏ویکسین نہ لگوانے والوں ‏کے سرکاری و نجی اداروں سمیت تجارتی مراکز، مالز، اسکولز اور دیگر ‏مقامات میں داخلے کی ‏اجازت نہیں ہو گی۔

ہفتہ وار پریس کانفرنس میں ترجمان وزارت داخلہ نے کہا کہ یکم اگست سے عوامی مارکیٹوں، ‏‏سرکاری و نجی دفاتر میں داخلے کی بنیادی شرط ویکسینیشن ہو گی۔

انہوں نے کہا کہ فی الحال مملکت میں مقیم ایسے غیرملکیوں پر کوئی جرمانہ نہیں جنہوں نے ‏‏ویکسین نہیں لگوائی تاہم مقررہ ایس او پیز پر عمل کرنا ہر ایک کے لیے ضروری ہے۔

The post سعودی عرب کی بیرون ملک جانے والوں پر نئی شرط عائد appeared first on Daily Jasarat News.

وٹس ایپ کے ذریعے خبریں اپنے موبائل پر حاصل کرنے کے لیے کلک کریں

تمام خبریں اپنے ای میل میں حاصل کرنے کے لیے اپنا ای میل لکھیے

اپنا تبصرہ بھیجیں