ٹیلی گرام کے ذریعے خبریں اپنے موبائل پر حاصل کرنے کے لیے کلک کریں

القمرآن لائن کے ٹیلی گرام گروپ میں شامل ہوں اور تازہ ترین اپ ڈیٹس موبائل پر حاصل کریں

محمد رضوان ٹی20 رینکنگ میں ساتویں پوزیشن حاصل کرنے میں کامیاب

پاکستان کو ٹی20 سیریز میں انگلینڈ کے ہاتھوں شکست کا سامنا کرنا پڑا تاہم سیریز میں عمدہ کارکردگی کی بدولت پاکستان کے وکٹ کیپر بلے باز محمد رضوان نے کیریئر کی بہترین ساتویں پوزیشن حاصل کر لی۔

منگل کو کھیلے گئے سیریز کے تیسرے ٹی20 میچ میں انگلینڈ نے پاکستان کو 3وکٹوں سے شکست دے کر سیریز میں 1-2 سے فتح حاصل کر لی۔

محمد رضوان نے تین میچوں کی سیریز میں سب سے زیادہ 176 رنز اسکور کیے جس کی بدولت وہ کیریئر کی بہترین ساتویں پوزیشن حاصل کرنے میں کامیاب ہو گئے۔

مین آف دی سیریز کا اعزاز جیتنے والے لیام لیونگسٹن نے شاندار سمیت بہترین کارکردگی کی بدولت بڑی چھلانگ لگائی اور 144 درجے ترقی کے بعد 27ویں نمبر پر پہنچ گئے ہیں۔

باؤلنگ رینکنگ میں شاداب خان اور محمد حسنین چار، چار وکٹیں حاصل کر کے بالترتیب 36ویں اور 14ویں نمبر پر پہنچ گئے ہیں۔

دوسری جانب ویسٹ انڈیز اور آسٹریلیا کے درمیان سیریز کے بعد کیریبیئن بلے باز ایون لوئس دسویں سے آٹھویں نمبر پر پہنچ گئے ہیں جبکہ باؤلرز میں شیلڈن کوٹریل چھ درجہ بہتری کے ساتھ 16ویں نمبر پر پہنچ گئے ہیں۔

بلے بازوں کی عالمی درجہ بندی میں ڈیوڈ ملان پہلے، بابر اعظم دوسرے اور ایرون فنچ تیسرے نمبر پر موجود ہیں جبکہ باؤلرز میں تبریز شمسی پہلے، راشد خان دوسرے اور ونندو ہسارنگا بدستور پہلی، دوسری اور تیسری پوزیشن پر موجود ہیں۔

منبع: ڈان نیوز

وٹس ایپ کے ذریعے خبریں اپنے موبائل پر حاصل کرنے کے لیے کلک کریں

تمام خبریں اپنے ای میل میں حاصل کرنے کے لیے اپنا ای میل لکھیے

اپنا تبصرہ بھیجیں