ٹیلی گرام کے ذریعے خبریں اپنے موبائل پر حاصل کرنے کے لیے کلک کریں

القمرآن لائن کے ٹیلی گرام گروپ میں شامل ہوں اور تازہ ترین اپ ڈیٹس موبائل پر حاصل کریں

ویکسی نیشن سرٹیفکیٹ کے بغیر پی آئی اے فضائی میزبانوں کی ڈیوٹی پر پابندی

 اسلام آباد: ویکسینیشن سرٹیفیکیٹ کے بغیر قومی ایئر لائن کے فضائی میزبانوں کی ڈیوٹی پر پابندی عائد کردی گئی ہے۔

پی آئی اے کے شعبہ فلائٹ سروسز سے جاری کردہ نوٹیفکیشن کے مطابق ویکسینیشن سرٹیفکیٹ کے بغیر پی آئی اے فضائی میزبانوں کے ڈیوٹی کرنے پر پابندی ہوگی، کورونا سے بچاؤ کے ضمن میں فضائی میزبانوں کے ڈیوٹی فری شاپ جانے پر بھی پابندی ہوگی۔

نوٹی فکیشن میں کہا گیا ہے کہ ویکسین کی ایک یا دو ڈوز کا حامل ہونے پر نادرا کا سرٹیفکیٹ لازمی قرار دیا گیا ہے جب کہ ایک ڈوز کی صورت میں 1166 سے جاری میسیج پیش کرنا بھی ضروری ہوگا۔

نوٹی فکیشن کے مطابق حکومتی ہدایات کے تحت یکم اگست سے بغیر سرٹیفکیٹ اندرون ملک پرواز پر تعیناتی نہیں کی جائے گی، انٹرنیشنل پروازوں کے میزبانوں کے ٹرمینل بلڈنگ میں غیر ضروری نقل و حرکت کی بھی ممانعت ہوگی۔

بین الاقوامی پروازوں کے میزبانوں کی جانب سے خلاف ورزی پر جرمانہ عائد کیے جانے کا بھی فیصلہ کیا گیا ہے۔ خلاف ورزی پر جرمانے کی رقم تنخواہ سے منہا اور انضباطی کارروائی بھی کی جائے گی۔

وٹس ایپ کے ذریعے خبریں اپنے موبائل پر حاصل کرنے کے لیے کلک کریں

تمام خبریں اپنے ای میل میں حاصل کرنے کے لیے اپنا ای میل لکھیے

اپنا تبصرہ بھیجیں