ٹیلی گرام کے ذریعے خبریں اپنے موبائل پر حاصل کرنے کے لیے کلک کریں

القمرآن لائن کے ٹیلی گرام گروپ میں شامل ہوں اور تازہ ترین اپ ڈیٹس موبائل پر حاصل کریں

مسجد الحرام، مسجد نبوی صلی اللہ علیہ وسلم میں خطبہ جمعہ  کے حوالے اہم فیصلہ

مدینہ منورہ :سعودی عرب میں شدید گرمی کے پیش نظر مسجد الحرام اور مسجد نبوی صلی اللہ علیہ وسلم میں خطبہ جمعہ اور نماز کے حوالے سے اہم فیصلہ کیا گیا ہے۔

سعودی خبر رساں ایجنسی کے مطابق مسجد الحرام اور مسجد نبوی صلی اللہ علیہ وسلم کے سربراہ شیخ ڈاکٹر عبدالرحمن السدیس نے جمعہ کے خطبہ اور نماز کا دورانیہ کم کرنے کی ہدایات جاری کیں۔

نئے احکامات کے مطابق مسجد الحرام اور مسجد نبوی صلی اللہ علیہ وسلم میں نماز جمعہ اور خطبہ 15 منٹ میں ادا کرنے کی ہدایت کی گئی ہے۔

یہ فیصلہ مملکت میں شدید گرم موسم کے پیش نظر کیا گیا ہے۔ نئے احکامات اس وقت تک لاگو ہوں گے جب تک کہ گرمی کا موسم برقرار نہیں رہتا۔ درجہ حرارت کےنیچے آنے کے بعد سابقہ ​​روٹین پر عمل درآمد کیا جائے گا۔

دوسری جانب مکہ مکرمہ میں رواں حج سیزن میں شدید گرمی کے باعث جاں بحق ہونے والے عازمین کی تعداد 1170 تک پہنچ گئی۔

حاجی اب بھی لاپتہ ہیں اور کئی ہسپتالوں میں زیر علاج ہیں۔ ہلاک ہونے والے زائرین کا تعلق اردن، انڈونیشیا، ایران، سینیگال، تیونس اور عراق سے ہے۔ اردن سے لاپتہ ہونے والے 20 حاجیوں کی تلاش بھی جاری ہے۔

وٹس ایپ کے ذریعے خبریں اپنے موبائل پر حاصل کرنے کے لیے کلک کریں

تمام خبریں اپنے ای میل میں حاصل کرنے کے لیے اپنا ای میل لکھیے

اپنا تبصرہ بھیجیں